Aposel 13:15 - Nobonob Baibel

¹⁵ Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 13:15 ပူးပေါင်းရင်းမြစ်များ

Mak 5:22

Ag anam daaegeg amu, Juda dilag nai doyak lagnu ikki danab laa onig Jairus nug uɗia, Jesus antta, nug Jesus gumitta ukka, Nug baegppa laippun gateg qaun o, gomela, iɗu wanppa ma,

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

Aposel 15:21

Aɗinu? Ig doottem, anukkan uɗie gemu ele, aab okkai ohppa danab ag Mosesnu ɗo nai mehuqna, ag ele Sabat deɗppa Juda dilag nai doyak lag ohppa nai amu ebqetteb,” awa aum.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Aposel 18:17

Galio nug lamatte amu ag ahan hettoɗiak aben guguittakppa Sostenes, nug am Juda dilag nai doyak lagnu ikki danab amu, ag nug aɗan makkuɗppig. Juda ag anam heppig, amge Galio nug amunu ii dabmeum.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 2:29

Nug anam ana, nug nai tuɗitta aum. “O lailad, Dawit nug nai amu mattiom amu, nug nuhignu ⌊aakkuib⌋ dabmaama ii mattiom. Ig amu genabnab daatte attem doognig am, Dawit nug mauhe boumeg; nuhig boumak aben ig oonigppa gemu iikku daatte.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 20:2

Nug ukka, Makedonia tikkua ugakka, Kristen laih appanu amelagppa nug nai kuɗum ag ɠagattag aqeb daaglagnu mattiom. Dimppa amu nug ukka, Grik wanppa teum.

Aposel 22:1

“O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

Aposel 4:36

Ag anam heegeg, danab laa appa dayom, nug onig Josep, nug am Lewi buɗubppan mana mettak danab iitta laa, nug Saiprus ted. Nug onig Josep, amge totol danab ag nug onig Barnabas ataɗppig. Onig amu diig eɗuak amu inam; heeb oolag ɠagattag qak danab.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

1 Korint 14:3

Amge danab nug Kayak nai mehuqtte, danab amu nug nai mattieye, danab dilag ooppa genab doyak ɠagattag qedatte, kobol ena dim lamidkkulagnu ɠagattag madatte, amu ag oolagppa maɗoɗ daakkunu ɠagattag ele madatte.

2 Korint 3:14

Amge Israel danab ag dabmak ahilag am ɠagattag eppom daatte. Anukkanu uɗie gemu ele anam. Ag haen amu oh tituanak alagnu yaak amu ag ebqeppig, gemu ele ebqetteb, amge ag amunu meunab ii dooppig, gemu ele ii dootteb. Danab nug iɗu am iɗu hautaknu lamen qattippa hautak daatte, ahilag dabmak am amubia ina daatte. Ag ii aotteb. Iitta. Danab nug Kristusnu ooppa genab dootte dayeb, Kayak Nug lamen amu maut-tte.

1 Tesalonaika 2:3

Mattiak ig mehuqttem ele, amuam dabmak hambuppuakppanu, o diig ena iittappanu, o bubuittak kobolppanu ele ii bette.

Hibru 13:22

O lailad, uɗug imu tutuib yaami amunu, ag daulag human, ena haknu dabmak maɗettaknu nai yaami imu, ag dooglagnu oɗ madattem.