Aposel 13:13 - Nobonob Baibel

¹³ Am Pol nug danab nug ele oh oippig ele ag Papos appanu uub aon gona, Pampilianu aab laa Perga appa goppig. Teeg amu Jon Mak nug uuata, eɗua Jerusalem ukkom.

Aposel 13:13 ပူးပေါင်းရင်းမြစ်များ

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

Aposel 15:36

Dimppa deɗ laala ukke amu Pol nug Barnabas amegppa aum. “I ahaɗ eɗuɗ goɗa, aab ohppa anukka i Naɗinu Nai Ena amelagppa auɗ dooppig ele amu, i laintad amu anadta, ag nai amu aɗan ena daattebtai o iittatai amu anidtu!” awa aum.

Aposel 15:38

Oo heum, amge Pol nug Jon Mak nug anukka Pampilia aa uuate, nug aa ele oh uɗatppa ii goppig dabmeum amunu, nug Jon Mak aa ele oh gokkulagnu oo ii dayom.

Aposel 2:10

Amu ig Prigia, Pampilia, Isip, amu Libianu wan atuppa, Sairininu wan atuppa ele daattem. Aria, Rom danab ele ig oh uɗimut daattem.

Aposel 27:13

Am dimppa ulah yau uɗiom, nug am ɠagattagnab ii heum amunu, ag appig. “Ig onig dayom bia, ulah imu uɗitte amunu, ig ilon imu uut laih gokkunig,” aon mattina, ag anka eeɗeg te, ig Kritnu langib aiɗta gomut.

Aposel 27:5

Gota gota ig Silisia, Pampilia ele dilah yu gamagppanab okkulta gota, ig Maira, Lisia prowinsppanu, appa temut.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

2 Timoti 4:11

Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!