Aposel 12:7 - Nobonob Baibel

⁷ Ag anam daaegeg, laippun Naɗinu engel laa appa hibaitta dayeye, amahlak lag oo amuppa amahlom. Amahlele, engel nug Pita qetti laih qeqala, maɗetta aum. “Pahanab ahe!” awa aum. Awa a amu, laippun sen Pita eppegppanu amu uhuqya nepiɗ.

Aposel 12:7 ပူးပေါင်းရင်းမြစ်များ

2 Samuel 22:29

O Yawe, na am dahil amahlak. Ao, Yawe Nug dahil gatatu he, amahlak daatte.

1 King 19:5

Elaiya nug anam ana, nug ad amu waappa na qa niieye, Yawenu engel laa nug uɗia, Elaiya aɗe, Elaiya ameg oppate, engel nug Elaiya amegppa aum. “Ahan ee la!” awa aum.

1 King 19:7

Niieye, Yawenu engel nug baula uɗia aɗa, amegppa aum. “Ukkak nahip am okkai, na ɠagattag nahip-ppaib gokkutnu elele iitta amunu, na ahan, ee la!” awa aum.

Sam 107:14

Nug ag maniguittak gatatu naunab nau eleppanu diia, omalatte uɗippig. Nug sen ahilkad oh pakkualattom.

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Sam 146:7

Yawe Nug danab ag ɠagattag iitta daan, laa ɠagattag ele waappa daaegeg eheɗ hadatteb ele amu, Nug ag ehanadtte. Nug danab ah ag enug daatteb, Nug ag ee madatte. Yawe Nug danab ag ⌊eheɗ laa ii heppig, amge ag⌋ maniguittakppa daatteb amu, Nug ag uhuqadtte.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Sam 68:6

Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.

Aisaia 37:30

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Jeremaia 40:1

Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.

Habakuk 3:11

Na nahip lat doɗo e ukkaegeg, amemɗi awom. Ao, na nahip ban ele eewo, amemɗi awom. Anam amu, aam, kalam ele hab waappa toettaya daapiɗ.

Habakuk 3:4

Ɠagattag okkai, naɗi ele nuhig am aam be, amahlak ahatte bia dayom. Ao, amahlak am Nug eppegppanu ye ukkom. Ge, nuhig ɠagattag am Nug eppegppa, appa lokkumak dayom.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Luk 2:9

Kayaknu engel gumatta ne, Naɗi binag amahlak oppiaawak ele ag taliliatta honaɗom. Honaɗe amu, ag baɗak eheɗ nau doyeg,

Luk 24:4

Ii anidna, ag amunu dabmak kuɗum aona, ootot aqe henana amu, antte! Ag danab aɗit miag hippaidya daaeheh anatppig; ahilah lamen am hakkabnab, amemɗiag awak ele.

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 12:6

Unuqittegeg, deɗ Herot nug Pita danab noolagppa mekkunu heum, deɗ amu ii wagkkaɗom, tuqan amuppa maniguittaknu gumak danab aɗit, laa laih, laa laih laappa daaeheh, Pita nug gamagppa niiom. Ag sen aɗitppa nug hippalppig. Nug anam niieye, gumak danab aɗit laa aa odppa daayya, od gumapiɗ.

Aposel 12:8

Neeh, engel aum. “Imuanppa matagiɗ takkan, baen gaɗa ele maate!” awa aum. Pita nug anam he amu engel aum. “Ulahnu lamen amu aon mena, doppe goɗu!” awa aum.

Aposel 16:26

Ag anam daaegeg amu mim okkai laa laippun na he, maniguittak lag amu ohnab uɗalele, od paha matulatte, senppa hippaladppig ele oh uhuqattom.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Aposel 9:3

Aria nug ya, Saul mette, nug ukkom. Ukka Damaskus guguittette amu, laippun hab aabppanu amahlak okkai na, nug talilitta amahalom.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Revelesen 18:1

Keeke amu oh dimppa engel laa nug hab aabppanu neene anidmi. Nug gumaknu ehah okkainab ele, amu binag amahlak oppiaawak ele nuhig am he, wan oh amahlom.