Aposel 12:23 - Nobonob Baibel

²³ Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 12:23 ပူးပေါင်းရင်းမြစ်များ

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

2 Stori 32:21

Asiria dilag king, daup ele ag haen tutu dayaknu aab kalakppa daaegeg, Hesekaia, Aisaia ele aa amunu unuqitteh, Yawe Nug nuhig engel laa me, nug uɗia, Asiria dilag daup, danab okkai ele huanaknab, oh bia, aqe mauhppig. Yawe he, engel anam he, Senakerip nug eɗua aha, uɗa nak nau guittak ele doyaya, aab diigppa ukkom. Nug eɗua, aab diigppa ukka, deɗ laa nuhig kayaknu mettid lakka te, nug bekoɗ aɗit qep elabppa nug qeeh mauhom.

Job 19:26

Nug daatte, amu gog tak haenppa Nug wanppa daakku, amge haen gamag imuppa da mauhppi, gawat ag beɗul imu moɗppa heppeg nauhkku. Gawat ag amu hekkulag, amge dimppa da beɗul ele eɗuen daye, da amelppa Kayak anidkkul

Job 7:5

Da beɗulad oh nauhom. Ihilad huana daye, gawat ihiladppa daaeg, ihil gon tonatteb. Ge, da gaɗalppa am ihilad huanak daye, yu ele nette.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Eksodas 12:23

Ag amu heppeg, haen Yawe Nug ukka, laih Isip dilagppa ahilkad nid danab matunu amu oh aqakkunu oiyaya amu, Nug ag Israel, ag laulkad anen anennu od ukku tiig laittak antta, Nug od amu tippala, nug engel, danab aqatte ele amu, Nug nug amegppa aib ab, nug ahilkad nid aqakkunu, ag laulkad anen anenppa ii noma.

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Eksodas 9:17

Anam daatte, amge na dahilad danab ah paɗadppe gomananu ɠagattag daanna, na ae ii gotteb.

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Aisaia 14:11

Danab ag na binan, onin okkai humaegeg oime ele amu, binag amu ele ippa, danab mauhak appalag imuppa uɗiom. Danab ah ag harp qena, ag musik nahip heeg doon gaman ahom ele amu, musik amu ele ippa uɗiom. Nahip balal, na amuppa niikkutnu amu, balal amuam ag doɗ teppu beɗaknu mamat gokkaɗna, ag amuppa bappaidna heppig. Ao, beɗun laidna niikkutnu lamen amu, lamen amuam gawat aakkuib.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 51:8

Aɗinu? Danab ag ahilagnu nai hetteb, ag aon aon aqadtteb ele, ag dittuɗ lamen he nauhak daatte, danab amu ag nauhak amubia nauhkkulag. Ao, dittuɗ nug wul he nauhak daatte, nauhak amubia ag nauhkkulag. Ag anam nauhkkulag, amge dahil genab tutukku hak kobol am hanhan daakku. Ao, dahil danab ehanatte, ag padal ii metteb kobol amu, kobol amuam iitta ii mema, hanhan daakku.” Yawe Nug anam atte.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Aposel 12:22

Nug nai mattie, danab ah ag amu doona inam aon eppig. “Nai mattiom umu am kayak laa baag. Danab baag iitta,” aon appig.

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

1 Samuel 25:38

Nabal nug anam daye niie ukke, deɗ eblaih tanig ele anam dimppa Yawe he, nug mauhom.