Aposel 11:24 - Nobonob Baibel

²⁴ Barnabas nug danab ena, Kayak Ouɗi nug ooppa ambak daye, nuhig ooppa genab doyak am ele ɠagattag amunu nug danab ah ehanattette, danab ah kuɗumnab ag Naɗinu oolagppa genab dooppig.

Aposel 11:24 ပူးပေါင်းရင်းမြစ်များ

2 Samuel 18:27

King anam a, aɗi uɗitte anittak danab nug aum. “Da anidttem amu, danab anuqa uɗitte, nuhig qaiettak am Sadok bekka Ahimasnu qaiettak bianab,” awa aum. A amu, king nug aum. “Ahimas nug am danab ena. Nug nai ena awa uɗitte,” awa aum.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Sam 37:23

Yawe Nug danabnu oiyaknu enanagnab dootte dayeb amu, Nug he, danab amu nug ɠagattag daatte.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Prowerb 14:14

Danab ag Kayak dimedatteb ele, ag ahilag hak amunu nob elele aoglag; danab ena amu, nug ippu enappa oitte amunu, nug amuppa nob ena aokku.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Matyu 19:17

A amu Jesus Nug aum. “Na aɗinu da keeke enanu oɗ meɗattem? Laippu aakkuib Nug am ena amunu, na bauklel aokkutnu na ɗo nuhig dim lamidkkut,” awa aum.

Luk 23:50

Aria danab laa, onig Josep, nug Juda dilag aab onig Arimateanu, nug amu danab ena tutukku, nug Juda dilag hettoɗiak okkai onig Sanhidren, amunu nug laa aakku, amge nug hettoɗiak danab laalanu dabmak, ahilag kobol ele Jesusnu heppig amu, nug uuom. Nug Kayaknu ɗo maɗoɗ ameg ma dayom.

Jon 7:12

Danab ah kuɗumnab ag appa goppig ele, ag akka akka Jesusnu nai kuɗum madippig. Laa ag appig. “Nug am danab ena,” amge laa appig. “Nug am danab nau, nug danab ah kuɗum hambuppualadtte,” aon appig.

Aposel 11:21

Ag anam heegeg, Naɗinu ɠagattag ag ehanattette, danab ah kuɗum ag oolagppa genab doon, oolag eɗue, ag Naɗi oolag medappig.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Aposel 5:14

Ag oolagppa ena daye, danab ah ele kuɗumnab ag Jesusnu oolagppa genab doona, ag Kristen tamaniak ooppa goppig.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aposel 6:8

Amu Kayaknu ehanittak okkai hamu megatte, nuhig ɠagattag ele Stiven ooppa ambe, nug Kayak dabmettaknu kobol danab haknu elele iitta hatta, nug kobol danab haknu elele iitta laala ele danab ah oolagppa heum,

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Rom 15:15

Amge da nai laala ahilagnu nakok ɠagattag yaaladmi amu, da nai amuppa dabmak ahilag maɗedakkulnu dabmemi. Aɗinu? Kayak Nug da ehanittak okkai hamu meɗa he,

Rom 5:7

Amu danab laippu laa nug genab tutukku hak danab ehanitta, nuhignu mauhkku amu iitta bia, amge deɗ laippu laippu danab laa nug oo ɠagattag qetta, danab ena laa ehanitta, nuhignu mauhkkutai,