Aposel 10:31 - Nobonob Baibel

³¹ nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 10:31 ပူးပေါင်းရင်းမြစ်များ

Aisaia 38:5

“Na gona, Hesekaia amegppa inam appe doyaɗ! ‘Yawe, Nug am na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da bau dayak nahipnu haen tuɗidppi, na paha ii mauhmana. Iitta. Na maɗ 15 baula daakkut.

Daniel 10:12

Nug anam mattie, da hibaitten daai, nug tuɗitta aum. “Daniel, na aib baɗame. Aɗinu? Na digmena, diignu doyak tutukku aokkutnu henana, na nakka na nahip Kayak noobppa na onin qee neum, deɗ amuppanab Kayak Nug nahip unuqittak doya he, da ehanidkkulnu uɗikkulnu hemi,

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Lewitikas 2:2

Anam hewowa, laa nug mana mettak hette ele nug mana mettak amu awa, Aron bekkod gumatta ukkeb, amunu laa nug geha plaua enanag olip goɗen ele kaboliak eppeg laippuppa appua, amu kalu danab ile muttuɗig enanag bette, amu oh ele, ou daakkunu qaɗabppa aab aɗuppa manakku. Am mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 2:9

Mana mettak danab nug ee aegnu ofa amunu maha laa oh ou daakkunu awa, amu nug qaɗabppa aab aɗuppa manakku. Amuam aab aɗunu ofa laa aakku. Mana mettak amunu muttuɗignu, Yawe Nug ooppa ena dootte.

Lewitikas 5:12

Nug plaua awa ukka, mana mettak danab medakkuoitte. Nug awa ukkeb, mana mettak danab nug eppeg laippuppa appua, maha amu laa oh ou daakkunu aokku. Anam ha, nug plaua eppegppa aɗatte amu, nug Yawe mettaknu aab aɗunu ofa qaɗabppa daatte qaɗeppa manakku. Amuam ib etta hipunin haknu ofa aakku.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Aposel 10:32

Amunu na heppe, danab laala Jopa gona, danab Saimon, nug onig laa Pita, appeg uɗiaɗ! Danab amu nug Saimon, doɗ gaɗa beɗamanu babaittak danab, nug laug amu yu ihippa daatte ele amu, nug danab amu ele daattep,’ awa aum.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.