Aposel 10:23 - Nobonob Baibel

²³ Ag Pita amegppa nai amu ana malaeg, nug a, ag lag ooppa noeg, tuqan amuppa nug dabmadette, wagɗe deɗ amuppa nug ele oh ukkaegeg amu, Jopanu danab, Jesusnu oolagppa genab dooppig ele, ag oolagppan laala ele ahaeg, oh goppig.

Aposel 10:23 ပူးပေါင်းရင်းမြစ်များ

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 10:29

Amunu haen ag da gumatte uɗikkulnu onilppa eppig amu, da ahilag ewak amu tappai ii neum. Iitta! Ag da uɗikkulnu appig am da iikku uɗimi. Aria, ag da onilppa eppig, ag amunu diig nakok appeg dookkulnu ool daatte,” awa aum.

Aposel 10:33

Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

Aposel 10:45

Am Juda danab ag Jesusnu oolagppa genab dooppig, ag Pita dim lamidna uɗippig ele, ag Kayak Nug Kornilius aɗi, ag iitta aɗi danab, Nug nuhig Ouɗi Juda danab mattom bianab, Nug iitta aɗi ag ele mattom anidna, ag ottaina dabmak kuɗum aoppig.

Aposel 11:12

Ag uɗieg amu Kayak Ouɗi Nug da amelppa aum. ‘Na ahappe ag ele ukkeg! Dabmak kuɗum aib aome!’ awa aum. Aakku da ukkaiyi, lailad danab eblaih laippu ele imu, ag da ele oh gota, ig Jopa danab amu laugppa temut.

Aposel 28:15

Ig Rom gokkunignu teutut, Romnu Kristen ag ig ukkautut doona, laala ag ig uɗanig tekkulagnu ahan, ee daden maknu aben onig Apius appa gona, laala ag aben laa onig Hik Awak Lag Okkai Ewam appa ele gona, aben aɗit amuppa ag ig anigppig. Pol nug anatta, nug Kayak amegppa “Ena heme,” ana, ooppa ɠagattag awom.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Aposel 9:38

Lida, Jopa ele ouqak daapiɗ amunu, danab Jesusnu oolagppa genab dooppig ele ag, “Pita Lida daatte,” amu dooppig amunu, ag danab aɗit, aa Pita amegppa, “Na paha ihinigppa uɗie! Na appa aib daame!” akkulahnu heeg gopiɗ.

Aposel 9:42

Pita nug amu he, nai amu Jopa aab ohppa ukke, danab ah oh dooppig. Doona amu kuɗum ag Naɗinu oolagppa genab dooppig.

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!