Aposel 10:14 - Nobonob Baibel

¹⁴ Nug anam aum, amge Pita nug aum. “Naɗi, da Juda dilag ɗoppa doɗ ii lanaknu epeɗiak daatte deɗ laa ii lami, gemu ele ii lattem,” awa aum.

Aposel 10:14 ပူးပေါင်းရင်းမြစ်များ

Genesis 19:18

Nug anam aum, amge Lot nug engel oɗeppa awa aum. “O naɗi dahil, Iitta bia!

Eksodas 10:11

Iitta! ⌊Da ah, nid ele oh paɗadppi ii gomana.⌋ Ag danabib ag gona, Yawe noobppa dup nona binag mekkulagnu aegeg uɗie, gemu ele anamib hekkulagnu atteb amunu, danab agib gona, Yawe noobppa dup nona binag meig!” awa aum. Paro nug nai mattia mala he, ag Moses, Aron ele lamateg, dimittim gopiɗ.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Esekiel 44:31

Amu aite o doɗtai, nukka mauhom, o doɗ laa qe mauhom niitte amu, mana mettak danab ag teppu amu ii lamana.” Yawe Nug anam atte.

Daniel 1:8

Amu king nug nid danab amu dilag ee, wain ele ag mattaglagnu aum, amge ⌊ee, le ele amuam Kayak Nug ag Israel ag ee, le ele aɗi aɗi lakkulagnu ɗo ag mattom, amu ee le ele amuam ɗo atte bia iitta⌋ amunu, Daniel nug kingnu ee, wain ele amu lanana heeb, Kayaknu neekkakppa ooppa dubuttid tak ele daamanu dabmak awa aɗe, dabmak amuam ɠagattag eppa dayom. Daniel nuhig dabmak anam daye, nug ee, wain ele amu lab, nug Kayaknu neekkakppa dubuttid tak ele daamanu, nug kingnu ikki danab dilag okkai am ee amu, wain amu ele ii lamanu oɗ mettom.

Lewitikas 20:25

Diig amunu, ag doɗ lanaknu epeɗiak daatte, amu doɗ ii lanaknu epeɗiak daatte, amu ai lanaknu epeɗiak daatte, ai ii lanaknu epeɗiak daatte ele amu, ag tutukku epeɗin anidkkulag. Ag doɗ laa, o ai laa, o doɗ naunau ag oolag wan qeeqe oitteb ele laa, da ag ii lamananu ami amu, ag iinab lamana. Ag lakkulag dayeb amu, ag akka ag heppeg, dahil neekkakppa ag dubuttid tak ele daaglag.

Matyu 15:11

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette amuam he, danab oo am dubuttid ele daatte,” awa aum.

Matyu 16:22

Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum.

Matyu 25:9

Ah makkun dabmak iitta ele ag anam appig, amge ah makkun doyak dabmak ena ele ag appig. ‘Iitta. Ihinig amahlaknu le imuam ihinignu eleleib bia. Ahilagnu ele elele iittatai amunu, ag en lakka gona, nuhigppa ahilagnu aweg!’ aon appig.

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Mak 7:2

Jesusnu ippunittak awak danab laala, ag Juda dilag ɗo amuppanab eppelag ii ihappig, ag eppelag hamu ihona, ee lanan daaegeg anadppig.

Luk 1:60

amge nid anig nug aum. “Iitta! Ig nug onig Jon ataɗkkunig,” awa aum.

Jon 4:11

Jesus Nug anam a amu, ah nug aum. “Danab Naɗi, na le itakkutnu hanak iitta, am le moɗ imu ele umanab unuqagnab daatte amunu, na le bauklel ele amu adeppanu aokkut?

Aposel 10:13

Nug amu antta dayeye am baag laa Pita amegppa inam aum. “Pita na ahan, doɗ imu aqan la!” awa aum.

Aposel 10:28

Pita nug kuɗum daaegeg anatta, nug amelagppa aum. “Ig Juda amu ihinig ɗo ɠagattag laa am Juda danab laa nug iitta aɗi laa ele oh ouqak laippu ii daamya, o Juda laa amu nug iitta aɗi laa ele gumitta ii wama, amge Kayak Nug da ippuniɗom, da danab laanu inam laa ii apa. ‘Da am Juda danab amunu Kayak amegppa da iitta aɗi amu da nug eɗidttem!’ Da anam awe ii apa.

Aposel 22:8

A amu da ami. ‘Naɗi, na am aun?’ Ai am Nug aum. ‘Da am Jesus, Nasaret ted. Na da eheɗ heiɗttem,’ awa aum.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.