Aposel 1:16 - Nobonob Baibel

¹⁶ “O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

Aposel 1:16 ပူးပေါင်းရင်းမြစ်များ

2 Samuel 23:2

“Yawenu Ouɗi Nug he, da oɗelppa nai mattimi. Ao, nuhig nai am, da oɗelppa iikku daatte.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Matyu 26:14

Aria, haen amuppa ippunittak awak danab 12 ag oolagppan laa onig Judas Iskariot, nug mana mettak danab okkai gumatta ukkom.

Matyu 26:47

Jesus anam nai mattieye amu, ippunittak awak danab 12 oolagppanu laa onig Judas, amu danab kuɗum ele, danab amu ag qep elab, daɗib ele aɗappig amu, ag uɗippig. Mana mettak danab okkai amu Juda dilag ikki danab ele ag heeg, danab amu, Judas ele uɗippig.

Matyu 26:54

Amge da anam heppi amu, Kayak nai attem genab bekku? Kayak nai nug imu bekkunu atte amu, nug anamib bekku,” awa aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Mak 12:36

Aɗinu? Kayak Ouɗi Nug he, Dawit nug inam aum. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” ’

Mak 14:43

Jesus Nug nai amu mattieye amu, ippunittak awak danab 12 oolagppanu laa onig Judas, amu danab kuɗum ele, danab amu ag qep elab, daɗib ele aɗappig amu, ag uɗippig. Mana mettak danab okkai, ɗo mehuqak danab, amu Juda dilag ikki danab ele ag heeg, danab amu, Judas ele uɗippig.

Luk 22:47

Jesus nai amu amelagppa anana dayeye, danab kuɗum uɗippig. Judas, nug am ippunittak awak danab 12 oolagppanu laa, nug anuqa uɗia, Jesus ootuqidkkunu gumitta ukkom.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 19:36

Keeke amu oh am Kayak naippa, nai daatte amu genab elele mekkunu beum. Nai amunu laa am inam. “Ag Nug ebehi laippu laa ii qiimna.”

Aposel 1:20

Aria, Pita nug tuɗitta inam ele aum. “Kayak Ouɗi Nug Judas anam hekkunu doya amu Nug he, Judasnu nai imu Dawit oɗeppa be, buk Samppa inam yaak daatte. ‘Na heppe, nuhig aben hamu, danab ah iitta daakkunu oɗ medattem. Ao, na heppe, auntai laa appa ii daamanu unuqidttem.’ Amu Sam laappa yaak daatte, amuam, ‘Na heppe, laa nug ikki danab daakkunu uɗat nuhig awa daakkunu unuqidttem.’

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 13:38

Amunu, O lailad, ag doyeg! Ig Jesusnu uɗat okkai, amuppa ig hipuninnu uhuqa mettaknu nai ag amelagppa mehuqttem.

Aposel 15:13

Pol, Barnabas ele aa nai amu mattiya malaeh amu Jems nug aum. “O lailad, da nai imu appi ag doyeg!

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Aposel 22:1

“O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

Aposel 23:1

Pol nug noolagppa hibaitta dayaya, hettoɗiak okkai danab daappig amu oh neekkattatta, nug aum. “O lailad, da Kayak noobppa oolppan oiyak ippunittaknu ulum ippuniɗom bia oiiyi uɗie, gemu ele oittem,” awa aum.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 28:25

Ag anam henana ag gokkulagnu gonana, ag am akka akka ahilag dabmak ib piɗe piɗe dayeye, ag ahan goppig. Ag anam henana goppig, amge Pol nug tatam nai laa ahilagnu inam mehuqom. “Kayak Ouɗi Nug ig alankad amelagppa nai genabnab laa propet Aisaia oɗeppa aum. Nai amuam inam.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.

2 Pita 2:21

Anam daatte amunu, ag kobol tutukkunu ib ii doolob, amuam nau, amge ag ib ena doonna, eɗun ib eheɗ oina, ag Kayaknu ɗo nai ag aoppig ele dimettaglag dayeb, amuam naunab nau.