Amos 9:4 - Nobonob Baibel

⁴ Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.

Amos 9:4 ပူးပေါင်းရင်းမြစ်များ

Genesis 44:21

Ig anam aut amu, na ig amenigppa ame. ‘Ag gona, amalag amu, da nug anidkkulnu aon uɗieg!’ ame.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Sam 34:17

Yawe Nug genab tutukku hak danab ah, Nug ag ehanadkkunu unuqidtteb amu, Nug ahilag unuqittak dootte. Ge, Nug ag ehanatte, qagaiettakppa ii daatteb.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Jeremaia 12:12

Kekeɗ huanaknab ag atu taɗak oppatna uɗiglag. Aɗinu? Ag da, Yawe, ag dahil qep elab daanna, ag dahil wan ohppa danab ah aqappeg mauhkkulag. Laippu laa nug maɗoɗ ele ii daama.

Jeremaia 21:10

Da heppi, kekeɗ ag aab okkai imu heppeg nauhkku. Da ag Juda, da ag ehanadppi, ena ii daamna. Da amu hekkulnu dabmak aoi ɠagattag eppom daatte amunu, da uuppi, aab imuam Babilon dilag king eppegppa daakku. Nug eppegppa dayebeb, nug maneb eokku,” ’ awa atte.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Jeremaia 39:12

“Ag Jeremaia mattin anidna, ag nug aon, nug atognoig! Ag nug guittak nakok laa aib medappig. Nug ag nuhignu aɗi hekkulagnu ag amelagppa ab, ag aum bia heig!” awa aum.

Jeremaia 39:16

“Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Jeremaia 44:11

Ahilag hak anam daatte amunu, Yawe Nukka Ɠagattag Oh Ele, Israel dilag Kayak, Nug inam atte. “Da heppi, uug naunab beeb, ag Juda ag uɗin Isip daaglagnu uɗippig amu, uug amu ag oh tonatteb, ag nauhkkulagnu da dabmak aoi ɠagattag eppom daatte.

Esekiel 5:12

Ag Jerusalem daatteb amu, ag obatak ewam daatteb bia. Amu aab ooppa danab ah oh obatak laippu laa ooppa daatteb, ag oɗe nau danab kuɗum aqe mauhtteb elenu, o enugnu aab okkai ooppa mauhkkulag. Danab ah obatak laappa daatteb amu, kekeɗ ag aab dimittim ag ag aqappeg mauhkkulag. Amu obatak laa da heppi, kekeɗ ag diin heppeg, ag wan laalappa matatun gona daaglag, amge appa ele da heppi, ag qep elabppa mauhkkulag.

Esekiel 5:2

Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Amos 9:8

Antte! Ag Israel, ag hipunin heegeg, da Naɗi Yawe, da amu anidttem. Da heppi, ag padal meppeg, ahilag wan am wanppan wan laa oolagppa iinab daama, amge da Jakop buɗub ohnab heppi, iitta ii memana,” awa atte.

Sekaraia 8:10

Haen, ag dahil lag bappaidkkulagnu ii digmeppig, haen amuppa danab laa nug uɗat ha, men doɗo aokkunu, o laa nug doɗ nuhig laa eppegppa meeb, uɗat medatta, doɗ mameg men doɗo medakkunu ib laa ii dayom. Kekeɗ kuɗum daappig amunu danab laa maɗoɗ ele oikkunu elele iitta; guittak aokkunu am miagib. Layag nug layag ele nug qak huanak ele dayom.