Amos 9:13 - Nobonob Baibel

¹³ Amu Yawe Nug inam ele atte. “⌊Israel dilagppa⌋ haen laa uɗitte amu, da heppi, ee aeg ahilag am meu huanaknab okku. Ag ee aeg tuɗidna aonna, ii malappig haenppa, wan buuak haen dokku. Amubia ag keeke tuɗidna eppanna, ii malappig haenppa, grep meu tabappeg, leppu aoglagnu haen dokku. Amu ele, ahilag grep dad am qauko okkai daugppa daan, meu huan okkulag. Ao, grep dad am qauko nakokppa daan, meu huanaknab okkulag.

Amos 9:13 ပူးပေါင်းရင်းမြစ်များ

Genesis 49:11

Juda nug keeke kuɗum ele amunu, nug danab nug donki nuhig muɗi grep diigppa qakkalo, nug amubia hekku. Ao, nug danab nug donki nag nuhig muɗi grep enanagnab, amuppa qakkalo, nug anambia hekku. Danab nug keeke kuɗum ele, wainnu am keeke hamu bia doya, lamen elab aguppa ihalo, Juda nug anam daakku. Ao, danab nug keeke kuɗum ele, lamen nuhig grep lebuppa ihalo, nug amubia daakku.

Sam 97:5

Yawe, Nug am Naɗi, wan atu oh gumadtte ele amu, Nug uɗieye, qauko ag le metteb.

Aisaia 16:10

Dad ooppa am nakok gamag ahak laa ii daama. Grep dad ooppa danab o ah laa ahi ii ettama, o laa oo gamag ahak doyaya ii ema. Grep meu tappa leppu awaknu abenppa, appa laa uɗat ii hema. Gamag ahak laa oh iitta mekku; ii daama.

Aisaia 55:13

Ahilag wanppa, wan laih laihppa, ad naunau qaun ele beppigppa amu, ad pain, ag aguppa bekkulag. Ao, wan laih laihppa, keeke qaun ele beppigppa amu, ad mirtel, ag aguppa bekkulag. Ag bena, Yawe Nug heumnu at daanna, anamib daaglag. Laa nug heeb iitta ii mema.

Esekiel 28:26

Da amu heppi, Israel danab ah ahilag wanppa baɗak iittappa daaglag. Ag appa lag buun, grep dad ele eppaglag. Da danab ah ag Israel taliliadna daanna, Israel dilagnu ena iinab dootteb amu, da eheɗ hatten, bu matten malappi, dimppa Israel danab ah ag enaib daaglag. Da amu heppi amu, ag dooglag, da am Yawe, ahilag Kayak.” Yawe Nug anam atte.

Esekiel 36:35

Iitta. Ag neegna anidna, inam akkulag. ‘Wan imu kekeɗ ag heeg nauhakib dayom amu, gemu wan amu aakkuib dad onig Iden, Kayak eppom amu, dad amubia daatte. Aab kekeɗ ag heeg nauhppig amu, tatam ag hele-ettak daaegeg, gemu aab amuppa danab ah daatteb, aɗ ele itan, anamib daatteb,’ aon akkulag.

Joel 2:24

Nug anam gu he neum amunu, ee aeg mumuɗaknu abenppa ee aelkad qagmak okkainab daaglag. Am grep leppu, olip goɗen ele danab meu titiegeg, hinaippa notte amu, leppu amu ambeeb, hanak am ambaknab daaglag.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

Joel 3:20

Isip, Edom ele aa anam daaglah, amge Juda wanppa amu, danab ah ag hanhan appa daaglag. Ao, Jerusalem appa amu, buɗub buɗub doobob, danab ah ag appa daaglag.

Lewitikas 26:5

Ag geha meu huananab, oh awaknu elele iitta, tuɗid ele nug qaɗe qaɗe aonnaib daaglag. Ag ahilag wanppa lanaknu huannanab dayeb lanana, ag baɗak iittappa daaglag.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Jon 4:35

Ag inam aon atteb. ‘Kalam waɗele uueb ee oɗuak haen dokku,’ aon atteb, amge da ag amelagppa attem. Ag amelag humana, dad okkai oh italna antteg! Ee oh oɗun malappig.

Ikki Danab 5:5

Qauko ag Yawe, Nug Sinai qaukoppa dayom amu, ag Nug noobppa uɗalppig. Ge, qauko ag Yawe, Nug am Israel dilag Kayak, ag Nug noobppa uɗalppig.