Amos 8:9 - Nobonob Baibel

⁹ Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.

Amos 8:9 ပူးပေါင်းရင်းမြစ်များ

Job 5:14

Danab ag amu hetteb ele amu, amunppa Kayak he, gatatu ag tonatte daatteb. Ao, Kayak he, aam anignab ag danab tuqan, amahlak iitta ele laa ag akka ag eppelagppa ehanattette, ena iitta oitteb amu, ag anambia oitteb.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Jeremaia 15:9

Kekeɗ ag ah laa bekkod nid danab eblaih aɗit ele aqappeg mauhppeg, anilag nug gai-iitta ma, hik aokkunu elele iitta daakku. Tatam nug bekkod ele amunu, nug ehanittak, binag ele, amge kekeɗ heppeg, amu oh iitta mekku. Nug uɗa nak nau guittak ele doya, laa noolagppa nau daakku. Da heppi, Juda danab ah laa ag ban haenppanab ii mauhkkulag amu, ban dimppa kekeɗ ag ag aqadppeg mauhkkulag.” Yawe Nug anam awa atte.

Esekiel 32:7

Haen da heppi mauhkkut amu, haen amuppa da heppi, hab am hautak dayeb, hoɗoppainu amahlak am nakok laa ii daama. Da heppi, lombig aam toneb ii anidmana, kalam ele ii haɗama. Iitta.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Maika 3:6

Ag eheɗ amu hetteb amunu, ag tuqannu gatatu ooppa daan, buttinu keeke dooglagnu ag tul niiak nakok laa ii anidmana. Ao, gatatu ag tonatteb, emanppa ag dimppa aɗi keeke bekkun daatte doon mattiglagnu ehanittak ii aomna. Aam am propet hambuppuak ag amahlak ii mattama. Ao, propet hambuppuak ag amunppa ele gatatuppaib daaglag.

Sekaraia 14:7

Deɗ amuam deɗ diig laa daakku; amahlaknab, gatatunab ele ii daama. Yawe Nugib keeke amu heeb bekkunu dootte. Am anam dayeb ukkeb, tuebnab meeb, amahlak daakku.

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Mak 15:33

Anam heegeg ukke, aam ameg 12ppa gatatu na, wan amu oh tone ukke, aam ameg ewamppa batom.

Luk 23:44

Ag anam heeg ukke, aam ameg 12ppa gatatu na, wan amu oh tone ukke, tueb aam ameg ewamppa batom. Anam he, lamen okkai Kayaknu mettid lag ooppa aiheg dayom amu kattiɗa aɗit meum.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.