Amos 8:4 - Nobonob Baibel

⁴ Israel danab ah, ag laa keekenu tutu mak daatteb ele, ag ag eheɗ hattaeg nauhtteb amu, ag imu doyeg! Ao, ag Israel danab ah, ag daɗek danab ah dilagppa eheɗ hattaeg, ag wanppa ii daatteb amu, ag doyeg!

Amos 8:4 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Job 24:4

Daɗek danab ag ibppa oiyegeg, danab eheɗ hetteb ag ibppanu lamadtteb. Ge, eheɗ hak danab ag anam eheɗ hattegeg, daɗek danab ah oh ag oolna, lokkumna daatteb.

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Sam 140:12

Amge imunu amu da doottem. Yawe Nug daɗek danab ah ehanatteb, hettoɗiak abenppa epeɗiak danab ag nai doya mala hettoɗia epeɗia elele mettak kobol dim lamidnana, ahilag nai bappaidkkulag. Ao, Nug laa ag keekenu tutu mak ele, ag hettoɗiakppa daappeg, Nug ag ehanadkku.

Sam 56:1

O Kayak, na dahilnu oot gai-iitta doon oot meɗan ehaniɗkkutnu unuqidttem. Aɗinu? Kekeɗ daup ag da huana lamiɗtteb. Yo, kekeɗ dahil ag deɗ oh amun tuqan ele banel uɗina, iuglagnu hetteb.

Prowerb 30:14

Ag doɗ laa ag aelkad qep elab aeg hawaɗ ele bia, ag amubia daatteb. Ao, ag doɗ laa nug hippegppa qep qataqak daatteb, ag amubia daatteb. Ag doɗ nau amu ag lailkad aqaeg mauhtteb bia, ag daɗek danab eheɗ hadappeg, ag wanppa ii daamnanu hetteb. Ao, doɗ nau amu ag lailkad aqaeg mauhtteb bia, ag laa ag keekenu tutu mak daatteb eheɗ hadappeg, ag danab ah oolagppa baula ii daamnanu hetteb.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Aisaia 28:14

Anam bekku amunu, ag Jerusalemnu danab okkai, ag Yawenu nai aon aon qedatteb ele, ag Yawenu nai doyeg!

Jeremaia 28:15

Amu propet Jeremaia nug Yawenu nai Hanania amegppa anam ana, nug tuɗitta, propet hambuppuak Hanania amegppa imu ele aum. “Hanania, na nai doye! Yawe Nug na ii meitte uɗime, amge na hee, Juda danab ah ag nai hambuppuak na mattime ele, ag nai amunu oolagppa genab doon oitteb.

Jeremaia 5:21

‘O Juda danab ah, ag dabmak tutukku iittappa oitteb. Ag kaaka oitteb. Ag amelag ele, amge ag aɗi keeke ii anidtteb. Ag daulag ele, amge ag nai ii dootteb,’ ” awa aum.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Esekiel 45:10

Amu Nug atte. “Ag skel tutukkuib uɗat hette, tappiɗ obatak tutukkuib ele aakkuib uɗat metteg! Skel keekenu uug elele ii ippunadtte, o tappiɗ nuhig obatak am tutu o okkai ippunadtte amu, ag amubia aon, uɗat aib medappig.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Amos 5:12

Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Sekaraia 5:6

Nug anam a, da attan neekki te, da engel amegppa ami. “Amu aɗi?” ain oɗ mettami. Oɗ mettai, nug aum. “Kaleg amuam wit, o bali, o rais keeke, aeg nuhig uug gane doyaknu kaleg, amu amuppa wan imuppan hipunin oh inak daatteb,” awa aum.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.