Amos 8:3 - Nobonob Baibel

³ Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.

Amos 8:3 ပူးပေါင်းရင်းမြစ်များ

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Jeremaia 22:18

Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Joel 1:11

Amu ag ee eppak danab, ag dabmak kuɗum aon, ag, “Ig eɗut ena daagnig,” aib dabmeppig! Ao, muɗi grep gumak danab, ag gayeg! Dad okkainu ee oh nauhppig amunu, ag wit, bali ele nauhpiɗnu gayeg!

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Joel 1:5

⌊Uug naunab amunu amu,⌋ ag danab, ag wain lanan, kaaka aqatte ele, ag gayeg! Ao, ag wain lanak danab, ag mahieg! Aɗinu? Tap-lokus ag uɗin, ag oɗelagppanu wain bau aɗadppig amunu, ag wain laa ii lamana.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Amos 4:10

Yawe Nug anam ana amu, Nug atte. “Da anukka Isip danab ah uug naunab aqadkkunu hei aqom amu, da uug amuib ag Israel, ag aqadkkunu hei aqom. Ao, da hei, ban ahe, ahilkad nid bau ag banppa daan, qep elabppa mauhegeg, kekeɗ ag ag Israel, ahilkad bannu hos ele diin aqatteg mauhppig. Ge, da hei, anam be, danab, hos ele gaɗalkad beɗaegeg, uɗig nau ahilag haen tutu dayaknu aab kalappigppa dayom. Keeke amu oh ahilagppa beum, amge ag eɗun, da dim lamiɗkkulagnu da gumiɗna ii uɗippig,” awa atte.

Amos 5:16

Anam amunu Naɗi, Nug Yawe Kayak Nukka Ɠagattag Oh Ele, Nug atte. “⌊Israel ag hipunin huanak hetteb amunu,⌋ ag uug naunab anidna, ag aab okkainu ib ohppa qanaglag. Ao, danab ah ag aabnu haɗap ohppa eheɗ gaaglag. Laa ag dad okkai hak danab ag ele gaaglagnu onilagppa ekkulag. Yo, laa ag mauhak haenppa mahiak hetteb ele amu, laa ag ag mahiglagnu onilagppa ekkulag.

Amos 5:23

Ahi ag ettaladtteb, ahi amu hamu oqottiib bette, ag aib baula ettaladppig. Yo, da ag ahi harp-ppa qedatteb amu, da baula ii doopa.

Amos 6:4

Ag qaɗaqaɗ, amuppa kobol kobol hoiyak daatteppa elepan aeg babaittak qataqak ele, ag amuppa niitteb; ag sia okkai enanagppa ele hamu daatteb. Ag sipsip nag enanag teppulag latteb; ag ele makau nag, amge ittag huanak ele teppulag latteb.

Amos 6:5

Ag harp qenana, ahi hamu hamu ettanna; Dawit nug musik haknu keeke digdig hattombia, ag hetteb.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Nahum 3:3

Danab hosppa daan ban hetteb ele, ag heppeg, hos qaiettan gokkulag. Danab ag qep elab aɗaeg, amemɗi awewe, ban ikki aenppa hak ele anamib. Ag danab ah huanak aqadppeppeg mauhkkulag. Mauhak amu ag nug qaɗe qaɗe ambak anam daaglag. Ge, mauhak gaɗalkad ebqak iitta daaglag. Danab ag oinna, baelagppa mauhak beɗulkadppa taataɗ qattaglag.

Sepanaia 1:7

Ag Naɗi Yawe noobppa toettan dayeg! Aɗinu? Yawenu deɗ naɗi miag uɗiom daatte. Laa amu, danab nug mana mettak hewowa, doɗ amu teppu nuhignu daatteppa hobul hekkunu bappaidtte, amubia Yawe Nug hobul babaittom. Nug he, laa hobul amuppa daaglagnu ag nuhikkud daaglagnu tituanattak daatteb.