Amos 7:10 - Nobonob Baibel

¹⁰ Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Amos 7:10 ပူးပေါင်းရင်းမြစ်များ

Genesis 37:8

Nug anam a, nug awakkud ag appig. “Nahip dabmakppa na ig gumigkkutte? Genab, na ihinig okkai daakkutte?” aon appig. Ag anam anana amu, ag tul niiak nuhignu, nug nai mattiomnu ele, ag nuhignu nau ninig ele huanak dooppig.

1 King 13:33

Keeke amu beum, King Jeroboam nug anttom, amge nug nuhig kobol eheɗ ii uuom. Iitta. Nug baula nukka kayak hambuppuak dilag mettid lag nakokppa ag mana mettak uɗat hekkulagnu, nug danab ah oh dilagppanu mana mettak danab daaglagnu danab diia otiattom. Danab aun nug mana mettak danab daakkunu oo dayom amu, Jeroboam nug danab am uɗat amu hekkunu baɗ mettom.

1 King 18:17

Haen Ahap nug ukka, Elaiya antta amu, nug aum. “Am genab na, na Israel uug madattem danab, am nate aakku?” awa oɗ mettom.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 36:16

Nug ebqa male, ag nai amu oh doon, ag nug neekkidnana, baɗan, ag Baruk amegppa appig. “Ig king nai imu oh dookkunu ig akkunigoitte!” aon appig.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Amos 3:14

Haen da Israel ag hipunin heppig, da amunu bu madakkul, haen amuppa amu da Betel appa qaɗab daatteb oh loppaɗadppi nauhkkulag. Ag qaɗab amu oh qeqeɗilag okkuladppeg, wanppa nena qekkulag.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.

Amos 7:11

⌊Amuam genab.⌋ Aɗinu? Amos nug inam atte. ‘Jeroboam nug geha qep elabppa mauheb, kekeɗ ag Israel danab ah diin, ag diia ukka laih me dayak danab ah wan laappa, ahilag wan iittappa daaglagnu gokkulag.’ Nug anam atte,” awa aum.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Aposel 7:54

Am Stiven nug nai amu aum amu, ag oolag ye, guatte oolag nauhe, oppoɗilag huan be, amelag kokoɗ eppe, Stivennu aelkad emalna daappig.