Amos 6:8 - Nobonob Baibel

⁸ Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Amos 6:8 ပူးပေါင်းရင်းမြစ်များ

Genesis 22:16

“Yawe Nug inam awa atte. ‘Da dakka, da onil awen, da nai dahil imu da onilppa ɠagattag qein madittem. Nai am inam: Na nid nahipnab meɗame. Na ii awaidna aɗame

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sam 47:4

Nug wan ig daattem ele imu ihinignu, ig aunig daakkunu tituanom. Yo, ig Jakop buɗub, ig nuhikkud danab ah daattem. Nug ihinignu oo mauhtte. Wan imu ig daattemppa amu, ig wan amunu oonig huana hette. Anam amu, wan amunu, Yawe Nug wan amu ig mekkom. Sila.

Sam 50:12

Wan, amu keeke oh amuppa daatteb ele am dahil amunu, da enug iutte elelob, da ag ee meɗaglagnu oɗ madakkulte?

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Aisaia 28:1

Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Jeremaia 22:14

King amu nug atte. “Da dahil lag enanagnab hekkul. Da lag oo okkai kuɗum attan enanag hekkul,” awa atte. Nug anam anana, nug he, ag lag henana, ag gililppa ulah ippu okkai ena bappaidna, ag ad sida aona, gililppa qataqena, ag gau kokoɗppa bala medatteb.

Jeremaia 22:5

Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Jeremaia 51:14

Yawe Nukka Ɠagattag Oh Ele Nug nukka, Nug onig awa, nuhig nai ɠagattag qetta aum. “Da genabnab genab heppi, kekeɗ dilag daup huanak, tap-lokus bia, ag Babilon aab ooppa nona eɗadna, ag gamag ahak okkainab doon ekkulag,” awa atte.

Gayak Nai 2:5

Naɗi Nug kekeɗ bia daya, danab ee toppua ukke nauhtte bia Nug he, Israel danab ah nauhppig. Ao, Nug he, ahilkad king laulkad enanagnab, ban haknu aben ɠagattag ele nauhppig. Nug he, Juda danab ah ag mahiak okkainab hetteb.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Hosea 11:6

Geha ahilkad kekeɗ ag aab okkai ahilkadnu aɗnu od manak qaknu keeke loppaɗadppeg neppeg, aab ooppa nona, ban hena danab ah aqaglag. Geha danab ah ag aɗi hekkulagnu maidppig amu, ag hekkulagnu elele iitta daaglag.

Lewitikas 26:11

Da geha ag oolagppa dayeye, ahilagnu nau ii doopa.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.

Amos 3:11

Ag anam hetteb amunu, Naɗi Yawe Nug inam atte. “Kekeɗ ag uɗin, Israel wan imu oh ag tonaglag. Ag ban hena, ag Israel, ahilkad ban haknu aben ɠagattag loppaɗna, keeke ahilkad aab aɗ ɠagattagnab ele, keeke amuppa daatte, ag amu oh ele akkan gokkulag,” awa atte.

Amos 4:2

Anam amu, da, Naɗi Yawe, da oppiaawak daattem, da amuppa dahil nai ɠagattag qetten, imu genab bekkun daatte attem. ‘Haen laa genab uɗitte amu, kekeɗ ag uɗin, ag Samaria ah nau amu hetteb amu, ag ag aɗualadna, hukppa diin gokkulag. Ao, ag nid ahilkad, danab nug kakai hukppa eeɗtte, ag amubia ag diin gokkulag.

Amos 5:21

Yawe atte. “Ag hobul da ag hekkulagnu ami amu, ag hetteb, amge ⌊ag hambuppun hetteb⌋ amunu, da nau ninig ele doottem. Ge, da amunu ena iinab doottem Ag da onilppa qagmak okkai hetteb, amge ⌊ag hambuppuna heeg,⌋ da qagmak okkai amunu amu, da nau aakkuib doottem.

Amos 8:3

Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.

Amos 8:7

Ag anam hetteb, amge Yawe, Israel dilag Kayak, Nug Nug onigppa nai imu ɠagattag qetta, inam atte. “Da ahilag kobol nau ohnu amu, da daul iinab atima,” awa atte.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.