Amos 6:6 - Nobonob Baibel

⁶ Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Amos 6:6 ပူးပေါင်းရင်းမြစ်များ

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

Aisaia 28:1

Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Hosea 3:1

Aakku Yawe nug da Hosea, da amelppa aum. “Danab laa nug na waatnu oo hette, nug nug ele oittep. Na waat nug am ah ewau pakkua gappai hette me, na nug omalna, nagatop uɗin, na nuhignu oot mauhaɗ! Da Yawe, da Israel danab ah ag kayak laala noolagppa dup nona binalag metteb, ag keeke ena ena kayak amu ahilag daakkunu hamu madatteb me, da Israel dilagnu ool mauhtte. Aakku, da hettem bia amu, na waatnu oot mauhaɗ!”

Amos 2:8

Ag laa dilag lamen, lamen amuam keeke lonnu onig awak daatte, ag tueb eɗun, mameg mettalob amu, ag lamen amuppa niitteb. Ag ahilkad kayak hambuppuak binalag menana, ahilkad qaɗab oh daugppa amu hetteb. Ao, ag danab hettoɗiakppa mena, ag eppelagppanu men doɗo aon, ag men doɗo amuppa wain aon, ag ahilkad kayak hambuppuak laulkadppa wain amu latteb.

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

1 Timoti 5:23

Na ootppa oɗe daatte, haen kuɗum oɗe laala ele nidatte amunu, na tuɗidna le hamuib aib lame. Iitta. Na wain nakok ele la!