Amos 6:4 - Nobonob Baibel

⁴ Ag qaɗaqaɗ, amuppa kobol kobol hoiyak daatteppa elepan aeg babaittak qataqak ele, ag amuppa niitteb; ag sia okkai enanagppa ele hamu daatteb. Ag sipsip nag enanag teppulag latteb; ag ele makau nag, amge ittag huanak ele teppulag latteb.

Amos 6:4 ပူးပေါင်းရင်းမြစ်များ

Genesis 37:25

Moɗppa dayeye, nug awakkud ag daanna, ee laegeg, Ismael buɗub Midian wanppanu laa ag Gileatnu uɗin, Isip gokkulagnu doeg, kamel ahilag ag spais digdig, marasin, amu mir ele maon ukkaegeg, Josep awakkud ag danab amu anadna,

Esta 1:6

Haɗap amu, ag linen lamen hakkab, amu lamen ed eleppa bala medappig. Lamen qatti okkai amu ag biidod men mabelppa hak, ag amuppa silwa ringppanu mayatteg ne qakkaladppig. Ag muɗi hakkab, amu lamen perpel ele, amuppa silwa ringppa qakkaladppig. Wanppa amu, ag men geɗaɗa ele duqaeg ukke, kaala anen anen, amuam keeke dottog danab ah ippunattom. Men amuam men porpiri, men mabel, men perl anig, amu men laala, daden nob okkainab ele. Aria, men amuppa king he, danab ah daaglagnu ag sia golppa hak, silwappa hak ele maadppig.

Sam 73:7

Nau hak kobol am ag oolag ambeum dayeye, ag nauib hetteb. Ag hanhan kobol nau hekkulagnu dabmak aotteb.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 28:1

Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.

Jeremaia 16:8

Yawe atte. “Amu lag laappa, ag Juda, ag appa hobul hetteb ele amu, ag appa aib teppig; appa tena, heɗep nena daanna, ee, le ele aib lappig,” awa atte.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 23:41

Na anam hena, na sia enanag amuppa appa daan he, laa ag balal laa na noomppa babaitteg, na appa kalu danab ile muttuɗig enanag bette dahil, dahil goɗen ele meme.

Amos 3:12

Am Yawe Nug inam ele atte. “Sipsip gumak danab nug laion uɗia, sipsip laa aɗa, beɗu he nauhe antta, nug aha, wagai ma, sipsip baeg ebehi aɗit, o daug laihib laion oɗeppanu eɗua aotte, amubia Israel danab Samaria daatteb laippu laippuib ehanittak aon daaglag. Gemu amu, Israel danab amu ag ahilkad betppa, o ahilkad sia enappa heɗep nen daatteb, ⌊amge ahilagppa uug nau anam bekku⌋,” awa atte.

Amos 8:3

Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.