Amos 5:6 - Nobonob Baibel

⁶ Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Amos 5:6 ပူးပေါင်းရင်းမြစ်များ

2 Samuel 19:20

Aɗinu? Da doottem, da hipunin hemi, amu diig amunu gemu da Israel laa oh oolagppanu da anuqe uɗien, dahil naɗi, dahil king, da nug uɗa tekkulnu uɗimi,” awa aum.

1 King 11:28

Jeroboam nug uɗat amu haaha, nug uɗat ena hettom amunu, haen King Solomon nug Jeroboam nug nid bau uɗat ena hettom antta amu, Solomon nug Jeroboam awa, Epraim, Manase ele dilah danab ag uɗat amu heppig ele, nug ag gumadkkunu tituane, nug uɗat heegeg gumadttom.

2 Stori 34:25

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig, amunu, diig amunu, da oppoɗi beum, gemu ele daatte. Da anam doyeye, oppoɗil bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta. Nob mettak malak aakkuib am iitta mekku,⌋’ awa atte.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Eksodas 22:6

Danab nug nuhig atuppa aben laa ad naunau qaun ele, nug amu amoteb ewa, naɗi ewa, nuhig tom tippala ukka, danab laanu wit, bali keeke eokku dayeb, o nug wit, bali keeke okkula, qagme dayeye ewom dayeb amu, danab aab amote, ewa ee ewom ele amu, nug ee amu oh nob eɗua, mameg mettaɗ!

Aisaia 1:31

Haen amuppa danab ɠagattag ag gikkiɗah bunaɗak bia daappeg, ahilag kobol nau amu aab ewawa, attokke na amu, kobol nau ahilag am aab aeg amubia daakku amunu, aab ewawa, aab adokka na, aeg ta he, gikkiɗah eotte, amubia uɗat nau amu ahilagppa anam hekku. Anam bia hipunin danab ag nob nau aoglag. Amu haen amuppa danab laa nug ag ehanadkkunu laa iitta.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Aisaia 55:6

Gemu ag Yawe anidna dim lamidkkulagnu mattiglagnu elele daatteb amunu, ag Nug anidna dim lamidkkulagnu Nug mattieg! Ao, gemu, Yawe Nug ag gukkuattak daatte amunu, ag Nug unuqitteg!

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Jeremaia 7:20

Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Esekiel 21:3

na inam appe doyeg! ‘Da Yawe, da inam attem. Da ahilag hak amunu eheɗ doyeye ool ii madattem. Ag Israel amu, ahilag kekeɗ am qep elab dahil bia, amu da qep elab dahil nuhig gaɗappanu eeɗe awen, amuppa genab tutukku hak danab, nau hak danab ele aqappi mauhkkulag.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Esekiel 37:19

na ag amelagppa dahil nai inam appe doyeg! ‘Naɗi Yawe Nug inam atte. “Da Josep buɗub, Israel dilag huu okkai laa ag Josep buɗub ele ouaqattak daatteb ele dilag ad Epraim eppegppa daatte, da ad amu awe, Judanu ad ele awe, ad aɗit noolah nug noob qal mettak atulppi, ad aɗit amu da eppelppa ad laippu daakku,” ’ awa atte.

Amos 3:14

Haen da Israel ag hipunin heppig, da amunu bu madakkul, haen amuppa amu da Betel appa qaɗab daatteb oh loppaɗadppi nauhkkulag. Ag qaɗab amu oh qeqeɗilag okkuladppeg, wanppa nena qekkulag.

Amos 5:14

Amu ag genab bauklel daaglagnu amu, ag kobol nau amu uuna, ag digmena, kobol ena heig! Ag anam heppeg amu, Yawe Kayak Nukka Ɠagattag Oh Ele, ag gemu nuhignu, “Yawe ig ele daattem,” atteb amu, Nug anak amubia, Nug ag ele daaglag.

Amos 5:4

Laa amu, Yawe Nug Israel danab ah amelagppa atte. “Israel danab ah, ag bau daaglagnu, ag da aniɗna dim lamiɗkkulagnu da mattiɗna oiyeg!

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Duteronomi 4:24

Ag amu hekkulagnu diig am, Yawe, ahilag Kayak, Nug am aab dittiak naɗi, keeke oh ewatte iitta metteb, Nug amubia daatte. Nug nuhikkud dilagnu dahil doya laa aomanu doyak aɗa daatte, ⌊Nug danab ah ag dup nona, kayak laa binalag mekkulag ele hatteb nauhkkulag.⌋