Amos 5:4 - Nobonob Baibel

⁴ Laa amu, Yawe Nug Israel danab ah amelagppa atte. “Israel danab ah, ag bau daaglagnu, ag da aniɗna dim lamiɗkkulagnu da mattiɗna oiyeg!

Amos 5:4 ပူးပေါင်းရင်းမြစ်များ

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

2 Stori 20:4

Jehosapat nug nai amu me ukke, Juda danab ah ag ahan, ag Yawe oɗ medappeg ehanadkkunu Jerusalem qagmeppig. Ge, ag Judanu aab ohppanu uɗin, Yawe antta dim lamittaknu Nug mattiglagnu qagmeppig.

2 Stori 34:3

Josaia nug king dayaya, nuhig king dayaknu maɗ eblaih aɗitppa nug nid bau dayaya, nug digma, nug memetab Dawitnu Kayak antta dim lamidkkunu Nug mattiom. Nug king dayaya, nuhig king dayaknu maɗ 12ppa amu, nug digma, nug aabaabppanu mettid lag nakok, kayak hambuppuak Aserah dabmekkulagnu biidod, kayak hambuppuak dottolkad adppa hak, amu kayak hambuppuak dottolkad aenppa keeke, hak ele, keeke amu oh Juda wanppa, Jerusalem appa ele daamnanu, amu oh oppiak ele daaglahnu uɗat heum.

Sam 14:2

Yawe Nug hab attan dayaya, danab ah oh neekkadtte. Ao, Nug neekkattatta, laippu laa nug diignu doyak tutukku elete, o iittate anidkkunu neegtte. Ge, Nug laippu laa nug Kayak antta dim lamidkkunu madittatta anidkkunu neegtte.

Sam 22:26

Daɗek ag ee lappeg, oolag didikku. Amu aun aɗi oh ag Yawe anidna dim lamidkkulagnu Nug maditteb, ag Nug binag mekkulag. Maɗoɗppanu gamag ahak ii tuqa aotte ele amu, Yawe Nug heeb, ag gamag ahak amu aon daan oiglag.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 69:32

Amu danab ah ag akka ag onilag qeeg ne oitteb ele amu, ag amu anidna, ag oolag gamag ahakku. Ao, ag laa ag Kayak anidna dim lamidkkulagnu Nug maditteb ele, ag amu anidna, ag oolag ɠagattag qedakku.

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Esekiel 18:9

Nug dahil ɗo nai iɗu iɗunu oo metta ii uuak doyaya, pehettak dabmetta dim lamidtte. Danab anam amu, nug am genab tutukku hak danab; nug bau daakku.” Naɗi Yawe Nug anam atte.

Hosea 10:12

Ag Israel, ag genab tutukku hak kobol ag oolagppa ebappeg, Yawenu oo mauhaknab ag tonadkku. Ag oolag ɠagattag eppak daamanu, ag heppeg, ag oolag gai-iitta dayaɗ! Aɗinu? Gemu am ag Yawe anidna, Nug dim lamidkkulagnu mattiglagnu haen aakku daatte. Ag amu hekkulagnu diig am, ag amu heppeg, Nug gu digittig bia he ne, dattan keeke ena bette, amubia Nug heeb, ag genab tutukku hak danab ah bena daaglag.

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Matyu 7:8

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.