Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.
Amos 5:2 - Nobonob Baibel2 “Israel wan am ah makkun laa na qa malom, eɗua ii ahama, am amubia daatte. Ao, Israel ag ahilag wanppa na qak anam niitteb; laa ehanatteb ahaglagnu iitta.” ⌊Nai oo doyak ele am anam.⌋ အခန်းကိုကြည့်ပါ။ |
Amos 5:2
27 ပူးပေါင်းရင်းမြစ်များ
Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.
King, nug mamekkud aɗi ele, ag kobol naunab kuɗum heeg amu, king bekkod ⌊ag kobol nau amu ooppa nona, tuɗitteg ukka, okkai bekkunu daatteb amunu, anam ii bemanu⌋ ag aqappeg mauhkkulagnu aben babaitteg! Nug bekkod aɗi ag ahan daanna, wan aon appatna, danab ah kuɗum bena, aab okkai kuɗum heppeg bena, ⌊baula kobol naunab kuɗum ii hemananu,⌋ ag mauheg!
Anam bekkunu diig am, Juda danab ah oh, laa Jerusalemnu, laa Juda wanppa laih laihnu amu, ag ahilag hakppa, ahilag mattiak ohppa ele ag Yawe, Nug binag amahlak oppiaawak ele, ag Nug noobppa Nug waappa daaglagnu uuna, ag nuhig nai tappaeg nette amunu, Jerusalem danab ah, ag taataɗ qeppig. Ao, Juda danab ah, ag nena qeppig.
Nug he, Isip dilag daup ag hos, bannu karisppa ele oippig, amu daup laa oh ele ag ahan, Israel dim lamadppig. Ag dim lamadppig, amge Yawe Nug he, ag nena qena, eɗun ahaglagnu iitta. Ag danab nug amahlak qauhe, iitta mette, ag amubia padal meppig. Yawe Nug keeke amu oh heum ele amu, Nug Juda amelagppa inam atte.
Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.
Ag ad aon, kayak hambuppuak dottog hoina, ag, “Na am ig mamenig,” aon atteb. Ao, ag men laa aona, ag, “Na ig menuigme,” ele aon atteb. Ag amu hekkulagnu diig am, ag da dimeɗan, ag da dim lamiɗkkulagnu uuppig. Ag anam hetteb, amge uug bette haenppa ag ahan, da amelppa, “Uɗin ehanigppe, ig padal aib memut!” aon atteb
Na buɗippe, Yupretis leppa ukkeb, na inam a! ‘Buk amu le ooppa noa, eɗua ii bema, amubia uug naunab, Yawe Nug heeb, Babilon dilagppa bekku; am uug amu heeb, Babilon nauhkku. Eɗua ena ii daama, Babilon danab ah ele ag nena qekkulag,’ aon a!” Jeremaia nug Seraia amegppa anam aum. Amu Jeremaianu nai iguppa batatte.
Aɗinu? Qinob uug okkai laa heeb anidna akkulag. “Mauhak nug ig launigppa gililppa ulah ibuppa noa, ig launig ooppa neum. Ge, nug aab aɗ ɠagattagnab ele ihinkad, nug amu ooppa noum. Mauhak nug nid naunau ibppa daan qiɗ hetteb ele, nug ag aqe mauhna malappig. Ao, Mauhak nug nid danab bau, ag aab haɗap-ppa qagmetteb ele, nug ag aqe mauhna malappig.” Ag anam aon akkulag.
O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?
Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.
ကြော်ငြာတွေ