Amos 5:13 - Nobonob Baibel

¹³ Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Amos 5:13 ပူးပေါင်းရင်းမြစ်များ

2 King 18:36

Asiria dilag ban daup ikki amu nug anam aum, amge Juda danab ag nuhig nai dooppig ele, ag nob laa ii medappig. King Hesekaia nug ag nai nob ii memananunab aum amunu, ag ii heppig.

Job 32:16

Ag nai laa iitta, amge diig amunu da ele nai iite madipa? Ao, ag nai laa anana, Jobnu nai nob mekkulagnu elele iitta daatteb amunu, da tuɗid tuɗid, ag amelag mekkuloittete?

Sam 38:14

Amu genab, da am danab laa nug daug ituak ele keeke laanu iinab dootte, da amubia daattem. Da am laa nug nai madikkunu elele iitta, nug nai nob mekkunu ele elele iitta, da amubia daattem.

Eklisiastis 3:7

Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Aisaia 36:21

Asiria dilag ban daup ikki amu nug anam aum, amge Juda danab ag nuhig nai dooppig ele, ag nob laa ii medappig. Hesekaia nug ag nai nob ii memananunab aum amunu, ag ii heppig.

Aisaia 37:3

Ag gona, ag Aisaia amegppa appig. “Hesekaia nug inam atte. ‘Gemu am deɗ nau, uug nau tonikkaknu deɗ. Deɗ imuppa ig Yawenu daug batak aottem. Ig gemu uɗa nak nau guittak ele doottem. Amu ig ah laa, nuhig haen iitta me, nug nid aokkununab daatte, amge nuhig ɠagattag iitta me, nug nid aokkun elele iitta, ig anam bia daattem.

Hosea 4:4

Amge laa nug layagnu, ‘Uug beumnu aab am, nug beɗuppa daatte,’ aib aum! Ge, laa nug laa dilagnu, ‘Ag beɗulagppa aab daatte anidttem,’ aib aum. Ag mana mettak danab, da ag naippa yaaladttem.

Amos 6:10

Amu tiilag laippu aɗit laa aa uɗiya, gaɗalag aoya gokkulahnu uɗiya heyaya, laa nug laa, “Gaɗa laa anidmete?” oɗ metteb, laa nug amegppa, “Iitta,” akku. Nug anam ab amu, laa oɗ meum ele nug akku. “I Yawe onig diiɗa iinab akkunihoitte amunu, na nai laa aib mattime!” awa akku.

Maika 2:3

Ag amu hetteb amunu, Yawe Nug inam atte. “Da heppi, ag amu hetteb ele, ahilagppa uug naunab ag qaɗelagppa nekkunu, da dabmettem. Uug amu ag eɗidkkulagnu ib iinab anidmana; iitta. Uug amuam keeke oh he nauhaknu uug amunu, uug amu beeb, ag danab ah amu hetteb ele, ag baula dada danab ah daanna, ii oimna.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Epesus 6:13

Anam amunu, ag Kristen ag deɗ nau uɗieb, ag ena daaglagnu ban elele hekkulagnu elele daabppeg, ban iitta meeb amu, ag hippaidna daaglagnu ag Kayaknu ban haknu bala ag mattom oh takkeg!

2 Timoti 3:1

Amge na doye, gog tak haenppa uug naunab bekku.