Amos 5:12 - Nobonob Baibel

¹² Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Amos 5:12 ပူးပေါင်းရင်းမြစ်များ

Job 20:19

Aɗinu amu oh am nau hak danab, nuhigppa bekku? Nug daɗek danab eheɗ hadatta, ahilag keeke awe, ag daɗeknab daappig. Ao, nug wagai ma, lag nug ii heum ele hamu awom.

Job 31:21

o iitta, da hettoɗiak abenppa, da oolppa, ‘Da am danab onig ele, laa ag dahil nai dim lamidtteb,’ alom amunu, da nid ag mamelkad mauhadppig dilagppa eheɗ helomlob amu,

Sam 127:5

Ban danab laa lat aeg kuɗum ele aɗa daya, gamag ahatte bia, danab laa nug bekkod kuɗum ele, nug itittak ena awom daatte. Ag aab okkainu aɗ odppa kekeɗ ele nug mehqak hebeppeg amu, ahilkad kekeɗ ag eɗadkkulagnu elele iitta.

Eksodas 23:3

Amu danab laa ag daɗek danab laa hettoɗiakppa meppeg, ag danab amu, ib tutukku iittappa ehanidkkulagnu nai aib kabolippig. ⌊Iitta. Ag nai tutukkuib mattieg!⌋

Eksodas 23:6

Daɗek danab laa nug hettoɗiakppa dayebeb, ag nai doya mala hettoɗia epeɗia elele mettak kobol dim lamidna heig! Ag nug am daɗek doon, ib amu dim lamidkkulagnu aib uuppig!

Prowerb 17:8

Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Prowerb 22:22

Na daɗek danab anadna, ag daɗek daatteb, diig amunu na aib eheɗ hattame; hettoɗiakppa ele, na daɗek ag ehanittak iitta ele, appa na ahilagppa eheɗ aib heme.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Aisaia 10:2

Ag eheɗ henana, ɗo eheɗ amu qabattebnu diig am, ag daɗek danab dilagnu nai doya mala hettoɗia epeɗia elele mettak kobol dim lamidmananu ɗo nau qabatteb. Ao, ag dahilad danab ah keekenu tutu mak, nau daatteb ele, laa ag eppelagppanu keeke laa yab awom, ag hettoɗiakppa keeke amu eɗun aolob, o ag hettoɗiakppa kobol laala amubianu ehanittak laa aolob, amge ag amu dilag anam ehanadmananu, ag ɗo nau anam qabatteb. Ag ah qab, ag ahilag keeke yab aoglagnu anam hetteb. Ao, nid ag mamelkad mauhak ele, ag amu dilag keeke yab aoglagnu ag anam hetteb.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Aisaia 47:9

Uug pahanab, deɗ laippuppa, laippun ahilagppa bekku. Uug amuam laa ag uɗin, ah gamu heeg mauhe, bekkod ele aqaeg mauhtteb, diin ele gotteb, uug amubia ahilagppa bekku. Ag, Babilon, ag uug amu bemanu emaɗ hak digdig henan, baɗ mak uɗat ɠagattag digdig ele hekkulag, amge amuppa ag ehanittak ii aomna. Iitta. Uug amu anam ba, okkai elelenab ma tonadkku.

Aisaia 5:23

Amu hettoɗiak dilag okkai danab ag danab eheɗ heppig ele eppelagppanu lokkumakppa eheɗ haknu ehanittak laa ag aon heeg, laa eheɗ heppig ag hamu gotteb ele, ahilagnu am gadonnab gadon. Ao, hettoɗiak dilag okkai danab ag laa eheɗ heppig amu, ag ii epeɗina heeg, hamu gotteb, amge danab ag eheɗ ii heppig ele, ag nob madatteb, hettoɗiak dilag okkai amu, ahilagnu gadonnab! ⌊Ag padal mekkulag.⌋

Aisaia 66:18

Amu Yawe atte. “Wan imuppan wan ohppan danab ah, amu nai digdigppan ele aɗi henan dabmetteb amu, da doottem. Da amu doottem amunu, da danab ah wan atu ohnu diie, qagmaadppi, ag uɗin, binag amahlak oppiaawak ele dahil anidkkulag. Da ag amu hekkulagnu uɗikkulnu hettem.

Gayak Nai 3:34

Laa nug danab ah oh maniguittak daatteb eheɗ hadakkunu dayeb,

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

Hosea 5:3

O Israel danab ah, ag attem daatteb amu, da doottem! Ge, ahilag hak am dahil neekkakppanu lokkumak ii daatte. Ag am ib baag ah laa nug gamu uuitte, danab laa ele oittep, ag amubia da uuiɗppig. Ge, ag am dubuttid naunab nau ele.” Yawe nug anam atte.

Amos 2:16

Ban danab laa oh ag oolagppa ɠagattag doyak iitta, ag oh oolkkulag, amge amuib iitta. Iitta! Ban danab nug ooppa ɠagattagnab doyak ele, laa oh eɗattak, nug ele oolkku. Nug lamen uɗa, beɗu miag oolkku.” Yawe Nug anam atte.

Amos 2:3

Da heppi, kekeɗ ag Moapnu okkai qeppeg mauheb; ag nuhikkud ehanittak anuqak danab ele aqappeg mauhkkulag.” Yawe Nug anam atte.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:7

Ag laa ag nai doya mala hettoɗia epeɗia elele mettak kobol aon kabolin heeg, uud ad tiig mua ele bette. Ao, ag genab tutukku hak kobol aon buɗieg, wanppa nette; ahilagnu am gadonnab!

Amos 8:4

Israel danab ah, ag laa keekenu tutu mak daatteb ele, ag ag eheɗ hattaeg nauhtteb amu, ag imu doyeg! Ao, ag Israel danab ah, ag daɗek danab ah dilagppa eheɗ hattaeg, ag wanppa ii daatteb amu, ag doyeg!

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.

Duteronomi 31:21

Anam heppeg amu, geha uug naunab, amu uug digdig laa ele bekkulag. Ahi da ippunadkkul ele, ahi amuam laa aɗi heehe anttomnu mattiak danab, am danab amubia dayaya, Israel danab ah ag nau heppignu ippunadkku. Aɗinu? Ag buɗulkad ag ahi amu daulag ii atima. Danab ah imu ag diilag attemunab amu da doyadttem, amu wan da ag mamelkad aɗi madakkulnu dahil nai ɠagattag qetta anak ii hemi dayeye, da ag iikku doyadttem. Ge, gemu ele, da ag aɗi hekkulag, da doottem.” Yawe Nug anam Moses amegppa aum.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.

Rut 4:1

Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.