Amos 5:1 - Nobonob Baibel

¹ O Israel danab ah, da nai oo doyak ele butti aɗi ahilagppa bekku amu, da amunu madippi, ag doyeg!

Amos 5:1 ပူးပေါင်းရင်းမြစ်များ

Jeremaia 18:13

Ag anam akkulag amunu, Yawe Nug imu ele atte. “⌊Laa⌋ ahan gona, wan atu laih ohppa danab ah oɗ mattan doyeg! Appa Israel danab ah hetteb bia heppigte oo iittate? Israel danab ah ag ah makkun kobol nau laa hette, ag amubia heegeg uɗie, gemu ele hetteb.

Jeremaia 7:29

Amu Yawe Nug atte. “Ag Juda, ag ikkilag uɗug otaɗna, buɗippeg ukkaɗ! Ag qauko attannab, igippa keeke laa ii daatte, ag amuppa tena, appa ag nai oo doyak ele mattieg! Aɗinu? Da Yawe, da ag gemu daatteb, ag dahil oppoɗi bak waappa daatteb, da ag dimatte, ag geɗadmi,” awa atte.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Jeremaia 9:17

Amu Yawe Nukka Ɠagattag Oh Ele Nug atte. “Ag keeke bekkunu miag daatte, ag amu pehettak dabmetteg! Ag dabmenana, ag ah qanak hekkulagnu onilagppa eig! Ao, ag ah ag qanak okkai hekkulagnu doon autna aotteb amu, ag ag onilagppa eig!” awa atte.

Jeremaia 9:20

Aria gemu, ag Juda ah, ag Yawenu nai imu doyeg! Ag daulag human, nuhig nai doon autna aweg! Ag ag aɗelkad qanaknu kobol ippunadppeppeg doyeg! Ao ag akka akka ag nai oo doyak ele mattiak laa nug ippunidnana doyeg!

Jeremaia 9:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu da ag bu iite madakkul?” Yawe Nug anam awa atte.

Esekiel 19:1

Amu Yawe Nug da, Esekiel, da amelppa aum. “Na nai oo doyak ele imu Israel dilag anuqak danab dilagnu ahiettak imu ette! ‘Ag anilag nug am laion laa oh oolagppa laion anilagnab bia dayom. Nug laion bau oolagppa dayaya, nug nakkud atognoattette, ag okkai meppig.

Esekiel 19:14

Gadon, anam daye, muɗi amu eppeg okkai laappanu aab aha, muɗi amu meu aakku he, iitta meum. Gadon, muɗi amuppa eppeg laippu laa, kingnu qakun daakkunu laa ii daatte, eppeg oh am gai-iitta.” Yawe Nug Esekiel nai amu mettom. Amu nai amuam nai oo doyak ele, amu laa nug Israelnu oo doyak dookku dayeb, nug nai imu edakkun daatte.

Esekiel 26:17

Ag anam daanna, ag Tair danab ah, ag ahilag aabnu inam nai oo doyak ele akkulag. ‘O aab okkai, onin ele, daup ag uɗin, heeg nauhna autna aome. Danab nahip-ppa daappig ele ag amu, ag yuppa oiyak danab. Danab nahip-ppa daappig ele ag amu, ag yuppa oinna, ban ɠagattag heppig. O Tair aab, danab nahip-ppa daappig amu, ag heeg, yu ihippa wan laappan danab ag nahipnu baɗak eheɗ nau dooppig.

Esekiel 27:2

“Danab bekka, na aab Tairnu nai oo doyak ele imu a!

Esekiel 28:12

“Danab bekka, na Tair dilag kingnu nai oo doyak ele imu nug amegppa akkutnu bappaidna, na, ‘Naɗi Yawe Nug inam atte,’ awona, na imu appe doyaɗ! ‘Tatam na laa ag aɗi oiyak, aɗi dayak, aɗi kobol keeke am oppiaawak ele anidkkulagnu, na amunu antte oo maittaknu danab daame. Nahip doyak dabmak ena ele am ambaknab dayom, amu nahip iɗu tuqak am oppiaawaknab ele.

Esekiel 32:16

Aria, nai amuam nai oo doyak ele danab ah ag qinob da heppi, Isip nauheb, haen amuppa ag nai amu akkulag. Wanppan wan ohppan ah ag nai amu oo doyak ele Isipnu, amu Isip dilag daupnu ele anam akkulag.” Naɗi Yawe Nug anam atte.

Esekiel 32:2

“Danab bekka, na nai oo doyak ele imu Isip dilag king Paro nug amegppa inam appe doyaɗ! ‘Paro, na am wanppan wan laa oh oolagppa laion bau bia daattem. Ao, na am yuppan doɗ okkai nau ele bia daattem. Wagai nug le nakokppa itoɗiaya, baegppa heehe, le dubuttid ele daatte, na amubia hettem,’ ” awa atte.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Amos 5:16

Anam amunu Naɗi, Nug Yawe Kayak Nukka Ɠagattag Oh Ele, Nug atte. “⌊Israel ag hipunin huanak hetteb amunu,⌋ ag uug naunab anidna, ag aab okkainu ib ohppa qanaglag. Ao, danab ah ag aabnu haɗap ohppa eheɗ gaaglag. Laa ag dad okkai hak danab ag ele gaaglagnu onilagppa ekkulag. Yo, laa ag mauhak haenppa mahiak hetteb ele amu, laa ag ag mahiglagnu onilagppa ekkulag.

Amos 8:14

Danab ah ag kayak hambuppuak Samaria daatteb onilag diin, ahilag nai ɠagattag qedatteb, o ag, ‘Dan danab, ahilag kayak genab bau daatte, genab amubia,’ o ag, ‘Berseba appa kayak laa genab bau daatte, genab amubia,’ atteb amu, danab ah amu ag nena qena, baula eɗun ii ahamna.” Yawe Nug anam awa atte.

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.