Amos 4:9 - Nobonob Baibel

⁹ Yawe Nug anam ana amu, Nug atte. “Haen kuɗum da hei, ahilkad dadppa, ahilkad grep dadppa ele eenu oɗe ba, ahilkad ee amu he nauhom. Ao, da hei, ahilag dadppan keeke oɗenu nauhppig. Da hei, tap-lokus ag uɗin, ad fig, ad olip ahilkad ele heeg nauhppig; da amu hemi, amge ag eɗun, da dim lamiɗkkulagnu da gumiɗna ii uɗippig,” awa atte.

Amos 4:9 ပူးပေါင်းရင်းမြစ်များ

1 King 8:37

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

2 Stori 6:28

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Aisaia 9:12

Nug heeb, aam nodeppanu danab Pilistianu, ag ahappeg, amu aam bedeppan daup Aramnu, ag ele ahappeg, ag oh Israel aqaglagnu uɗin, ag Israel qena, tabappeg nokku. Anam, amge amuppa Yawe Nug nuhig oo nauhak am iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Hosea 11:5

Amge dahilad danab ah ag oolag eɗueb, da dim lamiɗkkulagnu uuppig amunu, ag eɗun, Isip waalagppa daappig bia, laa waalagppa daaglag. Ao, ag Asiria waappa daaglag.

Joel 1:4

Am inam. Tap-lokus huanaknab ag ameg naɗinab daan uɗin, keeke laeg ukke, keeke laa uun ii lappig amu, tap-lokus okkai okkai, ag lappig. Tap-lokus okkai okkai ag keeke lanan uun, ii lappig amu, tap-lokus bau makkulak, ag lappig. Am tap-lokus bau makkulak ag keeke lanan uun, ii lappig amu, tap-lokus diig laala ag lappig.

Joel 1:7

Amu tap-lokus ag heeg, muɗi grep ihinig oh nauhakib daaeg, ad fig ele bunaɗppig. Tap-lokus ag amu gaɗa tolaeg, iitta me, ag eppelkad oh hakkab daatteb.

Joel 2:25

Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.

Amos 4:6

Amu Yawe Nug atte. “Da hei, ag aab okkai ohppa ee iitta daappig. Ao, aab naunau ohppa ag bret iitta daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Amos 4:8

Gu ii nedeppa amu, appa le iitta daye, danab ah ag beɗulag gai-iitta daye, ag ahan qiin ona, qiin donana, aab laappa le mattin goppig; amge ag le lakkulagnu elele ii aoppig. Da hei, ag Israel, ag ahilagppa anam beum, amge ag eɗun dim lamiɗkkulagnu da gumiɗna ii uɗippig,” awa atte.

Habakuk 3:17

Uug naunab inam ana bekkutai. Ad fig nug haɗag iitai doma. Muɗi grep meu iitai okku. Olip ad amu, amuppa meu iitai daakku. Ee dattanu ele meu iitai oma. Sipsip laa aɗppa iitai daama, Makau ele aɗppa iitai daama.

Hagai 2:17

Ag eheɗ heppig amunu, da hei, ahilag uɗat oh nauhom; dattanu ee oɗe digdig aqom, ais doɗo ele hab waappanu ne, keeke he nauhppig, amge ag eɗun, dahilppa ii doppig. Yawe Nug anam awa atte,’ ” awa aum.

Malakai 3:11

Amu Yawe Nukka Ɠagattag Oh Ele Nug ele atte. “Ag da amibia hekkulag dayeb amu, oɗe nau, gawat nau ele, da heppi, ag ahilag dadppa ii noppeg, ag ee kuɗum ele daaglag. Da heppi, muɗi grep ii qaɗaiettamna; ag meu okkulag.

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Duteronomi 28:42

Tap-lokus huanaknab geha ahilag ad, amu keh ele hadappeg nauhkkulag.