Amos 4:12 - Nobonob Baibel

¹² Yawe Nug anam ana amu, Nug ele atte. “O Israel danab ah, ag anam aakku heegeg uɗie, gemu ele hetteb amunu, da bu okkai ag madakkul. Ge, da bu okkai madakkul amunu, O Israel danab ah, ag da, da ahilag Kayak, ag da uɗal tekkulagnu babaitteg!” awa atte.

Amos 4:12 ပူးပေါင်းရင်းမြစ်များ

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 64:2

Aab ewewe, ad eppeg naunau genab eotte, o aab ewewe, le genab hipaɗ qette, amubia na heppe, kekeɗ nahipad ag na genab dooidkkulagnu ool daatte. Na anam heppe, nahipad kekeɗ ag hahaɗkkulagnu ool niitte.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Esekiel 13:5

Ag Israel dilag propet, ag ahilag uɗat pehettak ii hetteb. Ag ⌊am propet hambuppuak,⌋ ag danab nug aabnu aɗ bappaidkkunu tituanak daatte, amge nug ii he, ban miag do, ban haen amuppa aabnu aɗppa aben laala nauha daatte, ag amubia henan daatteb. Ag propet hambuppuak, ag Israel danab ah ag Yawenu deɗ naɗippa ban daakku, ag ban amuppa ɠagattag daaglagnu, ag Israel dilag propet, ag ahilag uɗat pehettak ii heegeg, gemu ele ii hetteb.

Esekiel 22:30

Israel dilag okkai ag nau anam hetteb, hamu aabppan danab ele ag anam hetteb amunu ag bu aoglagnu daatteb. Ag bu aoglagnu anam daatteb, amunu da danab laa nug aabnu aɗ babaitteb, kekeɗ ag wana heppeg, danab ah ii nauhmananu dootte, nug aabnu aɗ giɗo daatteppa dayaya, kekeɗ lamadkkunu dootte amu, da laa amubia heeb, da wain, Israel danab ah hadappi nauhmananu ii hepanu neegmi, amge da laa anam laa ii anidmi.

Hosea 13:8

Da geha bea, laa nug nag aɗidna aon ukkaeg hette bia; da banelag ukken, ban hein, kattiɗadkkul. O iitta, da laion laa enug qe, ee awa laum bia, da ahilagppa anam hekkul. Ge, doɗ dakkuɗ nug laiyag kattiɗe huppu naunau netteb, amubia da ahilagppa hekkul.

Amos 2:14

Uug naunab amu beebeb, danab nug huan qaiedakkunu elele amu, nug uug amu ii qe-eɗidma. Danab ɠagattag ele nug ebehi bodoetteb, gai-iitta daakku. Ban danab ele nug ɠagattag haaha, bau ii daama.

Matyu 24:44

Amunu ag ele bappaidna dayeg! Aɗinu? Danab Bekkalag da, da haen laa ag ii dabmekkulag ele, haen amuppa uɗikkul,” awa aum.

Matyu 5:25

Aria, haen danab laa nug hettoɗiakppa meidkkunu heebeb amu, na heppe, aa oolah paha babaitteɗ! Aa ibppa goyaya, na anam he! Iitta amu, nug na epeɗiak danab noobppa meidkkutai. Meitteb, epeɗiak ikki nug hettoɗiaknu daup laa eppegppa meitteb, daup amu nug na maniguittakppa meidkkutai.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.