Amos 3:6 - Nobonob Baibel

⁶ Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Amos 3:6 ပူးပေါင်းရင်းမြစ်များ

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

2 King 6:33

Elisa nug ikki danab amu amelagppa nai amu mattiaya, ii gog teum, haen amuppa danab king me uɗiom aakku be, king ele nug uɗia ba, nug Elisa amegppa inam aum. “Yawe Nug ihinigppa uug naunab imu he beum. Aɗinu da Nug ameg baula mekkul?” awa aum.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Jeremaia 10:7

Na wan atu oh dilag King daattem; danab ah ohnab ag nahipnu ebehilag oh bodoetta le mekkunu daatteb. Aɗinu? Ig danab ah oh anam hekkunig am kobol pehettak, kobol tutukku ele. Laa ele, wanppan wan ohppa danab ag doyak dabmak ena ele daatteb, amge ag oolagppa, aria, ɗo maɗoɗ oh oolagppa ele, laa nug na bia laal ii daatte.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Esekiel 33:3

Ag tituanppeg, aria nug kekeɗ uɗippeg anatta, nug wan amuppan danab ah ag kekeɗ uɗitteb dooglagnu trampet iwalak hekkun daakku amunu, deɗ laa kekeɗ uɗippeg antta, danab ah ag nau aomnanu nug trampet amu iwalak hekku dayeb amu,

Hosea 5:8

Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg!

Amos 3:5

Danab laa nug ai awaknu uhui ii meum, amuppa ai nug uhui ooppa nottete? Iitta! Doɗ nug baeg uhui ooppa ii me no amu, uhui nukka ba tettete? Iitta!

Sepanaia 1:16

Deɗ amuppa ban daakku. Danab ban hekkulagnu trampet iwalppeppeg, ban haknu ewak ele ekkulag. Ao, ag aab okkai ɠagattag aɗ ele, aria aabnu aɗ daug daugppa ban haknu lag attan ta ukkak menppa hak, ag amu ele aoglagnu ban hekkulag.

Sekaraia 8:10

Haen, ag dahil lag bappaidkkulagnu ii digmeppig, haen amuppa danab laa nug uɗat ha, men doɗo aokkunu, o laa nug doɗ nuhig laa eppegppa meeb, uɗat medatta, doɗ mameg men doɗo medakkunu ib laa ii dayom. Kekeɗ kuɗum daappig amunu danab laa maɗoɗ ele oikkunu elele iitta; guittak aokkunu am miagib. Layag nug layag ele nug qak huanak ele dayom.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.