Amos 3:11 - Nobonob Baibel

¹¹ Ag anam hetteb amunu, Naɗi Yawe Nug inam atte. “Kekeɗ ag uɗin, Israel wan imu oh ag tonaglag. Ag ban hena, ag Israel, ahilkad ban haknu aben ɠagattag loppaɗna, keeke ahilkad aab aɗ ɠagattagnab ele, keeke amuppa daatte, ag amu oh ele akkan gokkulag,” awa atte.

Amos 3:11 ပူးပေါင်းရင်းမြစ်များ

Genesis 34:27

Appinlah aoya ukkaeheh, Jakop bekkod laa ag uɗin, danab mauhppig ele amu, ag ahilag keeke oh diin goppig. Ag sipsip, makau, donki, ag waalkad, amu nid naunau ele, ag enulag oh, laulagppanu amu omelagppanu ele, ag amu oh diin goppig. Aɗinu? Sekem nug ag appinalagppa eheɗ heum.

2 King 15:19

Haen Menahem nug king dayeye, Asiria dilag king Tiklat Pileser, nug nuhig ban danab diie, banelag uɗin, Israel ele ban hekkulagnu uɗippig. ⌊Tiklat Pileser onig laa am Pul.⌋ Anam heehe, Menahem nug Tiklat Pileser nug Israel dilagppa ban hak uua, geha nug Menahem ehanitteb, king ɠagattag Israel wanppa daakkunu ha, nug 3,000 kilogram silwa awa, Tiklat Pileser mettom.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

Job 20:21

Nug eɗua daɗek dayaya, ee lakkunu laa ii anidma. Ao, nug keekenu elele ii daama.

Amos 2:5

Juda danab ag anam heppig amunu, da heppi, Juda wan eweb; Jerusalemnu aab aɗ ɠagattagnab, aab amu ele ewatteb, iitta mekkulag.” Yawe anam awa atte.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.

Amos 3:15

Amu da heppi, Israel ag laulkad oug haennu, gakkaɗak haennu ele, lag amu oh am nauhkkulag. Lag bala enanag, aivorippa hak amu, kekeɗ ag lag amu hadappeg nauhppeg; lag ena ena laa oh ele kekeɗ ag hadappeg nauhkkulag.” Yawe Nug anam awa atte.

Amos 6:14

Ag eheɗ amu hetteb amunu, Yawe Kayak Nukka Ɠagattag Oh Ele Nug atte. “Da heppi, kekeɗ ag uɗin, ag eɗadna, Lebo Hamat appanu ukka ukka, oolnu noak Araba, appa batak ag eheɗ hattaglag.”

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.