Amos 2:6 - Nobonob Baibel

⁶ Yawe Nug inam atte. “Israel danab ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil heppi, iitta ii mema. Hipunin laa ag hetteb am, ag genab tutukku hak danab aɗualadna, genab tutukku hak danab ag laa dilag maɗi nid daaglagnu maatteg, laa ag silwa men doɗoppa daden metteb. Ao, Israel ag daɗek danab aɗualadna, daɗek danab ag laa dilag maɗi nid daaglagnu maatteg, laa ag baeg gaɗappa, men doɗo iittappa, baeg gaɗappaib daden metteb.

Amos 2:6 ပူးပေါင်းရင်းမြစ်များ

2 King 18:11

Asiria dilag king nug Israel diia, Asiria ukka, nug Israel laala aab Hala maattowa, laala amu diia ukka, Gosan aab nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 18:12

Uug amu oh Israel dilagppa beum. Aɗinu? Ag Yawe, ahilag Kayak, ag Nug oɗe ii dim lamidppig. Ag Yawe Nug he, Nug ag ele nug tituanna nai qagappig amu, ag nai amu tippalna dimettan, Yawenu maɗi nid Moses ɗo nai awa mattom amu, ag amu oh ag tippalppig. Ag Yawenu nai ii dooppig, ag nuhig ɗo ele dim ii lamidppig.

Aisaia 10:2

Ag eheɗ henana, ɗo eheɗ amu qabattebnu diig am, ag daɗek danab dilagnu nai doya mala hettoɗia epeɗia elele mettak kobol dim lamidmananu ɗo nau qabatteb. Ao, ag dahilad danab ah keekenu tutu mak, nau daatteb ele, laa ag eppelagppanu keeke laa yab awom, ag hettoɗiakppa keeke amu eɗun aolob, o ag hettoɗiakppa kobol laala amubianu ehanittak laa aolob, amge ag amu dilag anam ehanadmananu, ag ɗo nau anam qabatteb. Ag ah qab, ag ahilag keeke yab aoglagnu anam hetteb. Ao, nid ag mamelkad mauhak ele, ag amu dilag keeke yab aoglagnu ag anam hetteb.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

Esekiel 22:13

Amu Naɗi Yawe Nug atte. “Ag men doɗo keeke ag ii aolob kobol eheɗppa aotteb, ag oolagppa danab aqaeg mauhtteb ele amu, da amunu danab nug dabmak huanak awa, uug nau ele doya hette bia da eppel laihppa am eppel laih okkul.

Joel 3:3

Ag amu henana, ag dahilad danab ah ag aunnu laa maɗi nid daaglagnu tituankkulagnu, ag om yaan, ag ib baag ah ele oiglagnu nid danab aon, ib baag ahnu maɗi nid daakkunu ag nid danab amu nug eppegppa mettanna, ag wain daden mena lakkulagnu nid ahin aon, danab wain me, daden metteb ele, nid ahin amu nuhig maɗi nid daakkunu nug eppegppa meppig.

Joel 3:6

ag Juda, Jerusalem ele dilah danab ah, ag am dahilad danab ah, ag appalag diigppa daamnanu, ag appanu awaidna, uma gona daaglagnu, ag ag diin maatteg, Grik danab ag ahilkad maɗi nid maɗi ah ele daaglagnu daden maadppig.

Sekaraia 11:5

Danab ag sipsip amu ⌊sipsip mamelkad dilagppanu, enub danab laanu men doɗoppa, nuhig daakkunu⌋ daden metteb ele ag daden mewona, ag ⌊laa⌋ baalag otaɗadna ⌊latteb⌋, amge ag bu ii aotteb. ⌊Enub⌋ danab ag sipsip amu ⌊ahilag men doɗoppa aoppig amu,⌋ ag aon meeg, laa daden meeg, enub danab ag men doɗo okkai aon, ag anen anen, ‘Ig Yawe onig humatu. Da enub danab bemi daattem!’ atteb. Sipsip amunu gumak danab ele ag ena ii atognoadtteb; ag ele aqadna ⌊latteb⌋. ⌊Aakku ib ewam amuppa sipsip ameg amuppa daatteb, ag nauhak aotteb.⌋