Amos 2:5 - Nobonob Baibel

⁵ Juda danab ag anam heppig amunu, da heppi, Juda wan eweb; Jerusalemnu aab aɗ ɠagattagnab, aab amu ele ewatteb, iitta mekkulag.” Yawe anam awa atte.

Amos 2:5 ပူးပေါင်းရင်းမြစ်များ

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Jeremaia 17:27

Ag da oɗel dim lamidkkulag dayeb amu, anam daakku, amge ag oɗel ii dim lamidkkulag dayeb, ag Sabat deɗ am dahilnu tituanak daakkunu ii dabmekkulag dayeb, ag Sabat deɗppa keeke maon uɗin, Jerusalem aab aɗnu od laalappa uɗin, aab ooppa gokkulag dayeb, da heppi, aab ewak, laa qauhkkunu elele iitta aɗnu odppa digma ewawa, appanu ewebeb ukkeb, aab oh, nuhig aab aɗ ɠagattagnab ele oh eokku.” ’ ” Yawe Nug anam awa atte.

Jeremaia 21:10

Da heppi, kekeɗ ag aab okkai imu heppeg nauhkku. Da ag Juda, da ag ehanadppi, ena ii daamna. Da amu hekkulnu dabmak aoi ɠagattag eppom daatte amunu, da uuppi, aab imuam Babilon dilag king eppegppa daakku. Nug eppegppa dayebeb, nug maneb eokku,” ’ awa atte.

Jeremaia 39:8

Appa ag Sedekaianu anam heppig, amge Babilon daup Jerusalem daappig amu, ag kingnu lag enanagnab manaeg ewe, danab ah laulkad ele manatteg ewegeg, ag aab aɗ ele loppaɗeg, nauhakib dayom.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Hosea 8:14

Da, Yawe, da Israel danab ah hattami, amge ag dahilnu daulag atie, ag king laulkad okkai okkai buualadppig daatteb. Juda danab ah ag ⌊kekeɗnu baɗan,⌋ ag aab kuɗumppa aɗ keeke heppig. Ag anam heppig, amge da heppi, aab dittia, ahilkad aab okkai, amu ahilkad aab okkai aɗ ɠagattagnab ele eokku.” Yawe Nug anam awa atte.

Amos 1:4

Aram danab ag amu heppig amunu, da heppi, ahilag King Hasael laug aab eweb; aab aɗ ɠagattagnab ele, ahilag king laa Benhadatnu amu, aab amu ele ewatteb, iitta mekkulag.

Amos 3:11

Ag anam hetteb amunu, Naɗi Yawe Nug inam atte. “Kekeɗ ag uɗin, Israel wan imu oh ag tonaglag. Ag ban hena, ag Israel, ahilkad ban haknu aben ɠagattag loppaɗna, keeke ahilkad aab aɗ ɠagattagnab ele, keeke amuppa daatte, ag amu oh ele akkan gokkulag,” awa atte.

Amos 3:15

Amu da heppi, Israel ag laulkad oug haennu, gakkaɗak haennu ele, lag amu oh am nauhkkulag. Lag bala enanag, aivorippa hak amu, kekeɗ ag lag amu hadappeg nauhppeg; lag ena ena laa oh ele kekeɗ ag hadappeg nauhkkulag.” Yawe Nug anam awa atte.

Amos 7:4

Naɗi Yawe amu ana, nug tuleglegppa keeke laa ippuniɗom. Tuleglegppa Nug danab ah bu matta he, wanppa aab ewak dayaya he, wanppan keeke oh nauhe, yu ele qaɗaiettom.