Amos 2:10 - Nobonob Baibel

¹⁰ O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Amos 2:10 ပူးပေါင်းရင်းမြစ်များ

Nehemaia 9:21

Ag atu taɗakppa maɗ 40 oiyegeg, na atognoadna autna aome amunu, ag keeke laanu tutu ii meppig. Lamen ahilag alag ii me, ag baelkad ele ii titiɗadppig.

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Esekiel 20:10

Da anam dabmemi amunu, da ag omalatti, ag Isip wan uun, atu taɗakppa goppig.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Amos 9:7

Amu Yawe Nug inam atte. “Ag am Israel, amge ag dahil neekkakppa Kus danab eɗadttebte? Da ag Israel, da ag Isip wanppanu diiatten bemi, amge da Pilistia danab Kritnu ele diien bein, da Aram danab Kirnu ele diiatten bemi.

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Namba 13:32

Ag anam appig amunu, laa ag gona, wan atu anidppig ele amu, ag heeg, Israel danab ah wan amunu nai hambuppuak, ag nai amu genab dooppig. Amu lokkumakppa atu italak danab, Josua, Kalep ele, aa am iitta, danab amu laa, ag appig. “Wan ig anidmut ele, wan amuam doɗ laa nug aha, doɗ laa qa latte, amubia, wan amu danab ah ag appa daaglagnu gotteb ele he nauhtteb. Amu ele, appan danab ah oh ig anadmut ele, ag am danab okkai okkai, elabnab.

Namba 21:25

Hesbon am Sihon, Amo dilag king, nuhig aab okkai. Anukka nug Moap dilag king ele ban heya, nug Moap dilag wan ukka Arnon le batak, nug wan amu oh nuhigppanu awom amunu, gemu amu, Israel ag Amo dilag aab okkai, Sihon waappa daappig ele, ag amu oh diin, ag aab amuppa daappig. Aab amu oolagppan laa am aab okkai Hesbon, am nug taliliak aab naunau oh ele.

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Aposel 7:42

Ag anam heeg, Kayak Nug heqo matta, ‘Ag eheɗ hekkulagnu oolag dayeb amu uuadpput heig!’ awa aum, amu ag aam, kalam, hoɗoppai ele noolagppa dup nona binalag menana, propet naippa, nai daatte bia heppig. Nai amuam inam. ‘O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta!

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Josua 24:8

Amu oh dimppa, da ag diie uɗii, Amo danab Jodan lenu kaɗag uɗitteppanu daappig dilag wanppa uɗieg, danab amu ag ahan, ag ele ban heppig, amge da ag ag eppelagppa mattai, ag Israel ag danab ah amu hatteg nauheg, ag wan amu aoppig.