Amos 1:8 - Nobonob Baibel

⁸ Da heppi, Pilistia dilag king laa Asdot appanu amu, nug nauheb; Pilistia dilag king laa Askelon appanu amu, nug ele nauheb; amu Pilistia dilag king Ekron appanu amu, nug ele nauhkku. Da eheɗ hadappi ukkeb ukkeb, Pilistia danab ohnab ag mauhadna malaglag.” Naɗi Yawe Nug anam awa atte.

Amos 1:8 ပူးပေါင်းရင်းမြစ်များ

2 Stori 26:6

Amu Usia nug aha ukka, Pilistia ele ban ha eɗatta, nug Pilistia dilag aab Gat, Jabne amu Asdot ele dilag aɗ loppaɗom. Usia nug loppaɗa, nug aab laala Asdot guguittak, Pilistia wanppa aben laalappa ele kalattom.

Sam 81:14

amu da pahanab ag ehanatte, ahilkad kekeɗ eɗadlom! Gede, da pahanab ahilkad kekeɗ banelag ele golom.

Aisaia 1:25

⌊O Jerusalem, danab amu ag nahip-ppa dubuttid bia daatteb amunu,⌋ da na uug mette, geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ da eɗue, nahip hak nau bappaidppi, na geha dubuttid iitta, oppiaawak bekkut. Ao, da geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ na tutukku daakkutnu bappaidkkul.

Aisaia 20:1

Maɗ laa, maɗ amuppa Asiria dilag king Sargon nug he, ban daup ikki anuqak, nug ban danab huu laa diie, Pilistia wanppa gona, aab okkai Asdot ele ban hena aqappig.

Jeremaia 47:1

Paro nug ahe, Pilistia danab Gasa daappig ele ban heppig, amge nug amu ii heppig haenppa Yawe Nug propet Jeremaia nai laa mette doyom. Nai nug doyom am inam.

Esekiel 25:16

Anam amunu, Naɗi Yawe Nug inam atte. “Da eppel bahien heppi, Pilistia danab ah ag eheɗ aoglag. Da heppi, Pilistia huu laa Keret danab, aria Pilistia laa ag yu ihippa tuɗidna daatteb ele amu, ag oh padal mekkulag.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Amos 1:7

Pilistia danab ag amu heppig amunu, da heppi, ahilag aab Gasa am aab eweb; Gasanu aab aɗ ɠagattagnab ele, aab am ele ewatteb, iitta mekkulag.

Amos 3:9

Laa nug Pilistia dilag danab okkai, am Isip dilag danab okkai ele, nug amu oh amelagppa inam ab doyeg! “Ag ahan uɗin, qauko Samaria guguittak daattebppa qagmen daan, ag Israel danab ah ag maɗoɗ iinab daan, ag akka akka, ag laa eheɗ hadatteb ele antteg!” Laa nug anam ab doyeg!

Obadaia 1:18

Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Sekaraia 9:5

Askelon danab ah ag Tair nauheb anidna, ag eheɗ baɗaglag. Gasa danab ah ag anidna, ag eheɗ nau dooglag. Ekron danab ah ele anamib. Aɗinu? Ag ena bekkulagnu dabmak aɗan oiglagnu ib laa ii anidmana. Kekeɗ ag Gasa danab ah eɗadna, king ahilag ele qeppeg mauhkku. Danab laa Askelon appa ii daama.

Sekaraia 9:6

Wan laihnu danab ag uɗin, Asdot aon, aguppa daaglag. Amu Yawe Nug atte. “Da heppi, Pilistia danab ag dada danab daatteb amu, ag baula anam iinab daamna.

1 Samuel 6:17

Aria, mamattin dottog golppa hak, dottog amu ag anen anen Pilistia dilag aab anen anen dilag Yawenu eheɗ haknu ofa daakkunu amu, aab amuam inam daappig. Laa am aab onig Asdotnu, laa am Gasanu, laa am Askelonnu, laa am Gatnu, amu laa am Ekronnu.