Aisaia 9:3 - Nobonob Baibel

³ O Kayak, na heppe, nahipad danab ah ag huan apatkkulag. Ao, na heppe, ag gamalag huan ahakku. Ahilag gamag ahak amu, ag na noomppa na ippunidkkulag. Ao, datta ee oɗuom awak haenppa danab ah ag aonna, gamalag ahehe aotteb, ag amubia hekkulag. O iitta ban danab ag ban hena, ag ban eɗittona, keeke ag aoppig am otin aona, gamalag ahatte, amubia ag gamalag ahakku.

Aisaia 9:3 ပူးပေါင်းရင်းမြစ်များ

Nehemaia 9:23

Ge, na hee, ig mamenkad aɗi ag huana appategeg, ag bekkalkad am huanak, hoɗoppai dilag ebqak bia daaeg, wan laa, na wan amu ag mamelkad aɗi mattan, ag gona aon daaglagnu ame amu, na diie, wan amuppa goppig.

Job 12:23

Nug he, wanppan wan laa ɠagattag ba daye, Nug he, wan laa amu na qa, nauhakib daatte. Ao, Nug he, wanppan wan laa okkainab ma dayeye, Nug he, ⌊wan laa amu nauhe,⌋ wan amuppan danab ah ag tamtam gona daatteb.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 119:162

Laa nug en naɗinab awa, gamag ahak dootte, amubia da nahip nainu gamag ahak doottem.

Sam 4:7

O Yawe, haen danab ah ag ee aeg huana aon, wain bau ele huan hena, ag maɗoɗppan gamag ahak naɗi dootteb. Anam amu, na maɗoɗppan gamag ahak amu eɗittak da meɗame.

Aisaia 10:26

Amu Yawe Nukka Ɠagattag Oh Ele, Nug inam hekku. Nug Asiria geha buppa makkuɗadkku. Nug men laa Orep daatte, Nug amu guguittak Midian makkuɗattom amu, Nug amubia makkuɗadkku. Geha Nug eppeg huma dayaya, Asiria makkuɗadkku; anukka Isip dilagppa he, ag Le Kokoɗppa padal meppig, amubia ahilagppa hekku.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 14:5

Yawe Nug nau hak danab dilag hokkat he qiiom. Ao, Nug king dilag qakun, ⌊qakun amuam aun aɗatte nug king daattenu epponak keeke dayaya, king laa aɗe ukke, nug mauhe, king laa aakku aɗatte⌋ amu, Nug qakun amu he qiiom.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Aisaia 26:15

Yawe, na ihinig wannu tom am, na tuɗidna hee, wan ihinig okkainab daatte. Ao, na hee, ihinig wan am okkai eppom daatte. Na anam heme amunu, nahip binag amahlak oppiaawak ele am okkainab beum daatte.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 35:2

Keeke kuɗumnab atu taɗak appa mappatadppeppeg, wan amuam bala mabatak ena ele, amubia enanag daakku. Wan amunu keeke oh danab nug oo gamag ahak doyaya, baag okkainab ele ahi edatte, amubia wan amunu keeke oh ag danab daaloblob am gamalag aheb, ahi ettalob. Yawe Nug heeb, gemu laih atu taɗak daatte amu, atu amu qinob Lebanon wan binag ele daatte, am binag amubia ele daakku. Ao, Yawe Nug heeb, atu taɗak amu, am qauko Karmel, uɗem naɗi onig Saron ele, aa aben enanagnab, onig ele, am wan amubia daakku. Yawe Nug heeb, atu amu anam bekku amunu, danab ah atu ohnu ag anam anidna, ag Yawenu binag amahlak oppiaawak ele anidkkulag. Ao, ag Kayak, Nug am ihinig Kayak, ag nuhig ɠagattag okkai naɗi ele anidkkulag.

Aisaia 54:1

Yawe Nug atte. “Ah na oot keldoak, na nid menuaknu laa iitta, na ahi ette! Ao, ah na nid awaknu guittak deɗ laa ii doome ele, na ahi ettan, ootppa gamag ahak doon, na e! Aɗinu? Ah gemu nukkanab daatte, Nug am nid kuɗumnab, ebqak ahilag am ah gamu ele, nid ahilti dilag ebqak eɗittak ele daakku!

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 61:7

Danab ah dahilad ag uɗa nak nau dooppig, amge Yawe Nug ehanatteb, ag enaib daaglag. Ao, danab ah dahilad uɗa nak nau guittak ele dooppig, amge dahilad danab ah ag keeke Yawe eppegppan aoglag, amuam ag aulag amu, ag amunu oo gamag ahak okkai dooglag. Yawe Nug anam ehanadkku amunu, ag ahilag wanppa daanna, Nug eppegppan keeke okkai okkai, tatam awak huan eɗittak aonna, ag hanhan oo gamag ahak doon oiglag,” awa atte.

Aisaia 65:14

Dahilad danab ah ag oolagppa oo gamag ahak ele doon, ag ahi ettaglag, amge ag nau hetteb ele, ag oolagppa guittak nau doon, ag eheɗ gaaglag. Ag eheɗ nau doon, ag mahiak okkainab hekkulag.

Aisaia 65:18

Amu da heppi, Jerusalem am danab ah oh enanagnab dooglagnu daakku. Da heppi, Jerusalem danab ah ag laa dilagppa gamag ahak mattaglagnu daaglag. Anam amunu, dahilad danab ah ag da aɗi aɗi hekkul, ag amunu hanhan oolag gamag ahaɗ!

Aisaia 66:10

Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Hosea 4:7

Mana mettak danab kuɗumnab bekkulagnu benana, ag hipunin huanaknab ebqak amubia dahilppa ele tuɗidna heegeg uɗie, gemu ele hetteb. Anam amunu, da heppi, ag binalag am eɗua, uɗa nak nau guittak ele daakku.

Lewitikas 26:13

Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.

Sekaraia 10:8

Da ag onilagppa ein qagmaadkkul. Ge, haen amuppa da qagaiettakppanu eɗua uhuqak hekkul amunu, ag appatna, kuɗum bena, anukka kuɗum daappig bia daaglag.

Sekaraia 2:11

Haen amuppa amu, wanppan wan kuɗumnu danab ah ag Yawe gukkuidna daan, Nug dim lamiɗkkulagnu hekkulag. Ag nuhikkud danab ah bena daaglag. Nug ag oh, ag oolagppa daakku. Anam beeb amu, ag Yawe Nukka Ɠagattag Oh Ele Nug da meiɗe, da ahilagppa uɗimi dooglag.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Luk 11:22

Amge haen danab ɠagattagnab laa, nug lag mameg eɗittak, nug uɗie, aa nug qeya, aria laa uɗiom ele nug lag mamegnu ban haknu keeke nug ehanidkkunu ooppa genab doyom ele, nug amu aɗitta awa, nug keeke oh awa pania, danab laa madakku.

Aposel 8:8

Amunu aab okkai amuppanu danab ah ag anam anidna, ag maɗoɗppan gamag ahak huana ahak dooppig.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Ikki Danab 5:3

Ag king daatteb, ag imu doyeg! Yo, ag gumak danab, ag daulag human, doyeg! Da Yawe heumnu ahi edakkul! Yo, da ahi etten, Yawe binag medakkul, Nug Israel dilag Kayak.

Ikki Danab 7:22

Haen 300 Israel danab ag ahilkad trampet iwaleg amu, Yawe he, ban danab haen tutu dayaknu aab kalak ooppan, ag akka akka qep elabppa nug qeppig. Laa ag ii aqappig ele amu, ag oolna goppig. Ag oolna, Betsita, Serera guguittak appa goppig. Appanu amu, ag Abel Mehola tomppa goppig. Abel Mehola amu Tabat guguittak daatte.

Ikki Danab 8:12

Gideon aɗi ag appa banelag tena, ban heegeg, Midian dilag king aɗit, Seba, Salmuna ele aa oolya gopiɗ, amge Gideon nug aa lamata aɗualata he, ban danab laa ag aakku oolppig.

1 Samuel 30:16

Isip danab nug anam a, ⌊Dawit nug amunu ena a,⌋ Isip nid bau nug Dawit ⌊nuhikkud ban danab 400 ele⌋ oh omalatte, ag laih Amalek daattebppa goppig. Nug ag diia ukke, ag Amalek anadppig; ag wan laih naɗi amuppa mauhnoak daan daaeg ukke, daanna ee lanana, le lanana, gamag ahak naɗi henan daappig. Aɗinu? Ag Pilistia dilag wanppa keeke kuɗum awon; Juda wanppa ele keeke kuɗum aoppig.