Aisaia 8:16 - Nobonob Baibel

¹⁶ ⌊Aisaia nug uug naɗi beeb, danab ah ag eɗun, nai Yawe nug mettom dabmekkulagnu nug inam aum.⌋ “Yawenu nai ⌊Nug da oɗelppa danab ah matte,⌋ bukppa yaak niitte amu, ag buk itoɗiak amu ⌊dimppa laa ag kolan anidkkulagnu⌋ qakkeg! Ag Yawenu ɗo nai uɗugppa yaak niitte, ag buk itoɗiak amu qaɗeppa ⌊dimppa kolan anidkkulagnu⌋ at mewona, dahilad ippunittak awak danab matteg!

Aisaia 8:16 ပူးပေါင်းရင်းမြစ်များ

2 King 11:12

Ban danab ag bappaidna anam daaegeg, Jehoiada nug king bekka Joas, nug nug omala, dimittim uɗiom. Nug omala uɗia, king haɗ nug igippa ma, nug Kayaknu nug tituana nai qakkak nai buk itoɗiakppa yaak niitte metta, Nug nid amu nug king daattenu eum. Nug anam he, ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig. Danab ah ag amu anidna, ag amunu oolag gamag ahe, ag eppelag tap qenana, inam eppig. “King nug haen elab bau dayad!” aon eppig.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Mak 10:10

Nug anam a amu Nug nuhikkud ippunittak awak danab ele ag ahan, lakka gona, ag Jesus nai amunu oɗ medappig.

Mak 4:34

Nug keeke danab ag dootteb ii dootteb ele ouaqata ippuanittak nai aakkuib mattiom, amu Nug nuhikkud ippunittak awak danab ele haen laala ag akkaib daanna, Nug nuhig nai oh amu diig mehuqttom.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.

Revelesen 10:4

Amu haen hakkaɗ eblaih aɗit ele amu ag nai madippig amu, nai ag appig amu da yaakkulnu hemi, amge hab aabnu baag laa hakkaɗ eblaih aɗit nai madippignu amu inam a doomi. “Na hakkaɗ eblaih aɗit ele nai madippig amunu amu, na dabmakppaib aɗe! Aib yaame!” awa aum.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Revelesen 5:1

Laa Nug sia king ⌊anuqak,⌋ appa dayom ele amu, Nug eppeg naɗiap-ppa buk itoɗiak laa anidmi. Buk amu ooppa, dimugppa ele oh yaak ele, amu buk amuam qataqak eblaih aɗit ele.

Revelesen 5:5

Anam gaaiyi, ikki danab laa nug da amelppa aum. “Na aib gaame! Antte! Danab laa, ɠagattag nuhig am laion bia, Nug Juda danab, Dawit buɗubppanu, Nug ban eɗittom amunu, Nug buk itoɗiak qataqak eblaih aɗit ele amu, Nug amu tola matulkkunu elele,” awa aum.