Aisaia 7:20 - Nobonob Baibel

²⁰ Am haen amuppa Naɗi Nug geha Asiria dilag king, ⌊ag nug ehanatteb, padal ii memananu dabmena, ɗo naɗi nug medappig,⌋ Nug nug le Yupretis heqo laihppanu awa heeb, nug geha Naɗinu resa bia dayaya, Juda beɗulkad uɗig hoikku. Nug ikkilag uɗug hoya, akkaɗilag hoya, baelag uɗig ele oh hoikku.

Aisaia 7:20 ပူးပေါင်းရင်းမြစ်များ

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Aisaia 36:1

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

Aisaia 8:7

amunu, genabnab da Naɗi, da geha Asiria dilag king awe uɗikkulnu heppi, nug nuhig ɠagattag amuppa ag oɗoɗadkku. Am Asiria dilag king nug nuhikkud ban danab ele, ahilag ɠagattag am Yupretisnu le uinu ɠagattag, ebehi ele na, le titiɗa, atu oh tona gotte, ag amubia hena uɗiglag. Ag uɗin, Yupretis le nug ui wa, le ihi daug laih laih oh tonatte, amubia ag uɗin, Juda wan oh bia tonaglag. Amge ag wan amu ohnab ii aomna. Ge, Asiria ag wan amu ohnab ii aomna, amge oh bia aon tonan, elele mettan daaglag,” awa aum. O Imanuel, ⌊na ig ehanigkkutnu oɗ medattem⌋!

Aisaia 9:13

Anam bekku, amge Israel danab ah ag amu anidna, amuppa oolag eɗueb, laa ag bu madakku ele gumidna iinab gomana. Ag eɗun, Yawe Nukka Ɠagattag Oh Ele, Nug anidna dim lamidkkulagnu ii mattimna.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Esekiel 29:18

“Danab bekka, Babilon dilag king Nebukatnesar nug he, nuhikkud daup ag Tair aab eɗidkkulagnu uɗat ɠagattag, heɗiag ele heppig. Ag keeke digdig ikkilagppa maoegeg, ikkilag uɗug tataɗe ukke, iitta meum. Ag keeke gukkalagppa maoegeg, gukkalag ihi mettom. Anam, amge Nebukatnesar, nuhikkud daup ele ag aab Tair paha eɗidkkulagnu elele iitta. Anam daye, Nebukatnesar, nuhikkud daup ele ag Tair appanu keeke nobnu laa ii aoppig.” Yawe Nug anam awa atte.

Esekiel 29:20

Da hei, Nebukatnesar nug nuhikkud daup ele, ag Tair aab ele ban heppig, amge ag nob ena laa ii aoppig. Anam, amge da nug uɗat amu hekkunu ai heum amunu, nug amunu nob ena aokkunu da Isip nug eppegppa mekkulnu dabmak awen, iikku hekkulnu attem.” Naɗi Yawe Nug anam atte.