Aisaia 7:2 - Nobonob Baibel

² ⌊Amu king aɗit amu aa qagmeeh, haen amuppa⌋ laa Juda dilag king Ahas, nuhikkudppan ele nai laa aeg dooppig. Amu ag inam appig. “Aram ban danab ag Israel ele oh qagmeppig,” aon appig. Ahas nug nai amu doye, nug, nuhikkud danab ah ele ag baɗan, eheɗ hahaɗppig.

Aisaia 7:2 ပူးပေါင်းရင်းမြစ်များ

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

1 King 11:32

Amge da Dawit, nug am dahil maɗi nid amu, da nuhignu dabmak anuqak awewe, da aab okkai Jerusalem, da aab amu Israel dilag huu okkai ohppanu dahil daakkunu tituanmi amu, da amu ele dabmak anuqak aottem amunu, geha da heppi, Solomon buɗub laa nug Israel dilag huu okkai laippu gumadkku.

1 King 12:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod ag akka nug gumanna dayeg!” Israel ag anam anana, ag oh qatin, appalagppa ukkadppig.

1 King 13:2

Yawe Nug propet danab amu nug danab laa amegppa nai mattilo, amubia qaɗab amu nuhigppa nai imu madikkunu a mattiom. Nug inam aum. “Qaɗab, Yawe Nug nahipnu nai inam maditte. Dawitnu huuppan nid danab laa geha bekku, nug onig Josaia. Nug ba, king dayaya, nug mana mettak danab ag haen amuppa daanna, kayak hambuppuak dilag mettid lag nakokppa mana mettak henana, uɗin ippa doɗ main, kayak hambuppuak mettaglag amu, nug ag na qaɗenppa aqeb mauhppeg, nug danab ebehilkad awa, qaɗab na qaɗenppa maneb eoglag,” awa aum.

2 Stori 25:10

Kayaknu danab nug anam aum amunu, Amasaia nug Israel dilag daup ag eɗun, Israel wanppa gokkulagnu aum. Nug amu a, ag Juda dilagnu oppoɗilag be amelag kokoɗ eppe, ag eɗun, ag appalag diigppa gokkulagnu goppig.

2 Stori 28:12

Odet nug anam a, Israel dilag okkai laala, laa am Jehohanan bekka Asaria, laa am Mesilemot bekka Berekia, laa am Salum bekka Jehiskia, laa am Hadlai bekka Amasa ele amu, ag ele uɗin, ag ahan, ag ele Israel dilag daup banppanu eɗun uɗippig amelagppa ag eheɗ heppignu madippig.

Sam 11:1

Yawe Nug da padal mak eɗitteb ena dayaknu ehanittak daatte. Da nuhigppa ehanittak amu aottem. Anam amunu, aɗinu ag dahilnu inam atteb? “Antteg! Nau hak danab ag ahilkad lat omanadna, lat doɗo, lat oɗppa maadna pimaladnana, ag logoppanu lat doɗo eppeg, laa ag kobol tutukku hetteb ele dilagppa gokkunu daatteb. Laa amu, ena haknu diig oh na qeum daatte dayeb amu, genab tutukku hak aɗi ag aɗitai laa hekkulagnu elele iitta amunu, na bau ena daakkutnu, na oolna qaukoppa ukke!” ⌊Ag anam atteb amge aɗinu ag anam atteb?⌋

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Aisaia 11:13

Israel huu ag Juda dilagnu, ihinigppa anam daalon dabmak iinab aɗan daamna, amu Juda ⌊ag Israel⌋ aqaglagnu dab-ii-memana. Ao, Israel huu ag Juda dilagnu, ihinigppa anam daalon dabmak ii aɗan daamna, amu Juda huu, ag Israel dilagnu, “Ag ihinig kekeɗ daatteb,” ii doomna. Iitta.

Aisaia 22:22

Da heppi, nug ɠagattag okkai, kingnu bia, ehah, am ele kingnu bia ele daakku. Da King Dawit laugnu ki oh medappi, keeke laa nug matuleb, am geha danab laippu laa nug manakkunu elele iitta. Keeke nug maneb amu, geha danab laa ii matulma. Iitta.

Aisaia 37:27

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Aisaia 6:13

Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Aisaia 7:13

Anam a amu ⌊Aisaia⌋ nug aum. “King Dawit buɗub ag, ag gemu tutukku doyeg! Ag kobol ahilag amunu amu, danab ah ag ahilagnu bahilag yaatte amunu, gemu ag heppeg, dahil Kayak Nug ele ahilagnu bahi yaakkute?

Aisaia 7:17

Anam bekku, amge ⌊ag oolag ii eɗutte amunu,⌋ geha Yawe Nug heeb, haen nau nahip-ppa, am nahipad danab ah dilagppa, am na baenadppa dilagppa ele uɗikku. Uug bekkunu daatte ele, amuam naunab, anukka uug beppig eɗattak, uug amu bekku. Haen Israel ag oppatna, Juda uun goppig ele, haen amuppa digmak uɗie, gemu batak uug nau bekkunu daatte amubia laa ii beum. Uug nau bekkunu amuam iikku. Yawe Nug geha Asiria dilag king awa uɗieb, ⌊Juda aqa oɗoɗadkku⌋,” awa aum.

Aisaia 7:5

Aram danab, Israel danab, amu Remalia bekka Peka ele ag nau heppeg, ag Juda ag nauhkkulagnu nai qakkan inam appig.

Aisaia 8:12

“Haen danab ah imu ag, ‘Danab ah laa umu ag eheɗ hekkulagnu nai qagappig,’ aon atteb amu, na paha aib nai amunu genab doome. Amu haen danab ah ag nai amunu baɗan oitteb amu, na amunu aib baɗan oime. Ao, na amunu baɗak okkai aib aome!” awa aum.

Aisaia 9:9

Amu Naɗi Nug anam heeb, geha Israel danab ah oh, amuam Israel, Samaria danab ah oh, ⌊ag geha “Kayak Nug nukka he, uug imu beum,”⌋ dooglag. Danab amu, ag dada danab. Ag beɗuppa tak danab. Amu ⌊ag uug amu beeb, ag⌋ inam akkulag.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.