Aisaia 7:16 - Nobonob Baibel

¹⁶ Nug onig Imanuel ataɗkkunu diig am, nid nakok amu, nug okkai ii ma, kobol aɗi am kobol genab tutukku, kobol aɗi am kobol nau ele, nug amu ii doyebeb, haen amuppa king aɗit, Israel dilag king, am Aram dilag king ele, Ahas na king aɗit amu dilahnu gemu baɗak okkai doottem amu, geha haen amuppa wan ahilah nauhaknab, hamu daaglah.

Aisaia 7:16 ပူးပေါင်းရင်းမြစ်များ

2 King 16:9

Aakku Asiria dilag king Tiklat Pileser nug King Ahas nai me ukkom amu doya, nug nuhikkud ban danab diie gona, Damaskus aab okkaippa ban hena, aab okkai amu aoppig. Tiklat Pileser nug King Resin qe mauhe, nug Damaskus danab ah amu diia ukka, Kir aab okkaippa daaglagnu maattom.

Aisaia 8:14

Yawe Nug danab ah ⌊ag anambia hetteb ele amu, Nug amu⌋ dilag lokkumak aben ɠagattag bia daakku, amge Israel, Juda ele dilagppa amu, Nug am men laa danab ippulagppa dayeye, danab ag men amuppa baelag qena, nena qetteb bia daakku. Ao, Nug am men laa he, danab ag nena qetteb, amubia daakku. Amu Jerusalem danab ah dilagnu amu, Nug ahilagnu pelem, o uhui bia ag aɗualadkkulnu daakku.

Aisaia 8:4

Aɗinu? Haen nid amu nug oɗe oppateb, ‘Mama, anai,’ ii aabob amu, Asiria dilag king, nuhikkud daup ele ag uɗin, aab okkai Damaskusnu keeke ena oh akkan aon, aab okkai Samarianu ele akkan aon gokkulag,” awa aum.

Aisaia 9:11

Anam amunu, Yawe Nug ⌊Israel dilagnu oo nauheb⌋ heeb, kekeɗ ag Israel aqaglagnu uɗiglag. Nug heeb, ahilag kekeɗ ag ahan uɗiglag.

Jeremaia 7:15

Ag Juda danab ah, da heppi, ag da noolppa ii daamna. Da Israel danab ah, onig laa Epraim, da ahilagnu hemi, amubia da ag Juda, da ahilagppa anamib aakku hekkul.

Hosea 5:3

O Israel danab ah, ag attem daatteb amu, da doottem! Ge, ahilag hak am dahil neekkakppanu lokkumak ii daatte. Ag am ib baag ah laa nug gamu uuitte, danab laa ele oittep, ag amubia da uuiɗppig. Ge, ag am dubuttid naunab nau ele.” Yawe nug anam atte.

Hosea 5:9

O Israel danab ah, da keeke laa ag oolagppa genabnab bekkunu ai dootteb; amuam ahilag bu awak deɗ uɗieb amu, ahilag wan am nauhakib daakku.

Jona 4:11

Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.