Aisaia 7:11 - Nobonob Baibel

¹¹ “Na Yawe, nahip Kayak, Nug na aɗinab at laa na ippunidkkunu oot daatte amu, na amunu Nug oɗ mette! At amuam wan unuqagppanute oot daatte, o iitta habppanute, o iitta adeppanu na oot daatte amu, na oɗib meppe, geha Kayak Nug nukka na at amu ippunidkku,” awa aum.

Aisaia 7:11 ပူးပေါင်းရင်းမြစ်များ

1 King 13:3

Kayaknu propet nug nai amu mehuqowa, nug nai imu, ippuanattaknu at daakkunu, nai imu ele mattia, nug nai tuɗitta inam aum. “Yawe Nug ippunittaknu at imu babaittom daatte. Qaɗab imu amu, Yawe Nug heeb, qaɗab imu nug oppateb, uhuɗ wanppa gokkaɗa nokku,” awa aum.

2 King 19:29

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Eksodas 7:9

“Am haen aa Paro noobppa daayya, aa nug amegppa nai madipeɗ, Paro nug ⌊da aa maati gopiɗ dookkunu⌋ nug aa kobol danab haknu elele iitta laa hepeɗ anidkkunu aa amelahppa akku amunu, Moses na Aron amegppa appe, nug dudqak hokkat awa buɗieb, Paro noobppa wanppa noaɗ! Nob amu, geha dudqak hokkat amuam eɗua mat bekku.” Yawe Nug Moses, Aron ele amelahppa anam aum.

Aisaia 37:30

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Aisaia 38:22

Amge tatam Hesekaia nug Aisaia inam oɗ mettom. “Yawe Nug da geha eɗue bau mein, nuhig mettid lakka gokkulnu aum amu, nug geha at aɗi, da nai amuam genab bekku dookkulnu meɗakku?” awa oɗ mettom. ⌊Nug anam oɗ mette, Yawe Nug he, lokko adqaɗppa dayom, lokko amu aben dayomppanu eɗua teum.⌋

Aisaia 55:13

Ahilag wanppa, wan laih laihppa, ad naunau qaun ele beppigppa amu, ad pain, ag aguppa bekkulag. Ao, wan laih laihppa, keeke qaun ele beppigppa amu, ad mirtel, ag aguppa bekkulag. Ag bena, Yawe Nug heumnu at daanna, anamib daaglag. Laa nug heeb iitta ii mema.

Aisaia 7:10

Aria Yawe Nug eɗua, nai laa Aisaia oɗeppa Ahas amegppa inam aum.

Aisaia 7:12

Aisaia nug anam Ahas amegppa aum, amge Ahas nug aum. “Iitta. Da at laa anidkkulnu ii oɗ medapa. Da Yawe ma anttak ii medapa. Da amu hekkulnu dab-ii-mettem,” awa aum.

Jeremaia 19:1

Amu Yawe Nug da, Jeremaia, da amelppa aum. “Jeremaia, na waa keeke hak danab laugppa gona, appa na hinai laa daden mewona, na Israel dilag ikki danab laa, amu mana mettak danab laa ele diin,

Jeremaia 19:10

Yawe Nug anam awowa, Nug tuɗitta, da amelppa aum. “Jeremaia, na amu oh mattin malona, Juda dilag ikki danab aɗi na diin gokkut ele anidppeppeg, na hinai amu oppe aoɗaɗ!

Jeremaia 44:29

Amu Yawe Nug imu ele atte. “Da bu matten, aɗi uug laala ahilagppa bekkunu appi, amu aakku bekku dooglagnu da bu okkai ag madakkul. Amu da ag genab Isip wan imuppa bu okkai ag madakkul dooglagnu, da at imu ag mattai bette anidtteb, ag anam dooglag.

Luk 2:12

Ag Nug anidkkulagnu epponak keeke amu inam. Nug anig Nug lamen elabppa ehakka, doɗ dilag ee lanak taɗaɗ ooppa me niitte,” awa aum.