Aisaia 66:5 - Nobonob Baibel

⁵ Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Aisaia 66:5 ပူးပေါင်းရင်းမြစ်များ

1 King 21:29

“Na Ahap hette am anidmete? Nug nukka da noolppa onig qe nette. Nug anam hette amunu, da uug naunab nuhig haenppa heppi ii bema. Iitta. Da nug bekka king dayebeb, da haen amuppa Ahap baegppa, da amu dilagppa amu heppi, ahilagppa bekku,” awa aum.

2 King 22:10

Nug anam ana amu, Sapan, nug nai yaak danab amu, nug nai amu tuɗitta, king amegppa inam aum. “Mana mettak ikki danab Hilkaia nug buk laa da meɗom,” awa aum. Nug anam awowa, aria nug buk amu kola, king dookkunu ebqeum.

2 Stori 34:27

‘Na nai laa, nai amuppa uug naunab wan imuppa, wan imunu danab ah ele dilagppa bekkunu daatte doon, na uug doon, na nakka na da, Kayak, na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

Esra 9:4

Da eheɗ nau doyen, dabmak huanak awewe, da heɗep nein daaiyi ukke ukke, tueb hanhan doɗ laa main Kayak medatteb, haen amu uɗie, da eɗue ahe daami. Amge haen da heɗep nein daaiyi, danab ah laa ag Kayaknu ebehilag oh bodoetta le mette ele, ag Israel danab ah Kayak ippunikkomnu oo metta ii uuak kobol ii dim lamidna oittebnu uug doon, ag diig amunu ag uɗin, da taliliɗna daappig.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.

Solomonnu Ahi 1:6

Da gaɗal am anam daatte, amge ag Jerusalem ah, ag diig amunu ag amelag behabeb, aib neekkiɗppig. Ge, aam he, da anam daattem, amge diig amunu ag aib neekkiɗppig. Da awalad amalad ele, ag am dahilnu oolag nauhe heeg, da dimittim wain datta, aam gakkaɗakppanab uɗat heinne daaiyi, da gaɗal hinqeum; da dad uɗat amu hemi, amge da beɗul babaittaknu goɗen laa, o keeke laa laidkkulnu da elele iitta daaiyi, gaɗal inam beum daatte.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 5:19

Laa ag, “Ig nuhig uɗat anidkkunignu Israel dilag Kayak Nug keeke laa ihinignu dabmette ele amu, keeke amu Nug paha haɗ!” atteb amu, ahilagnu am gadonnab gadon. Ao, laa ag, “Ig amu doognignu, Israel dilag Kayak Oppiaawak Ele Nug aɗi keeke hekkunu maittak awom amu, Nug amu heeb baɗ!” aon atteb amu, ahilagnu am gadonnab gadon. ⌊Ag padal mekkulag.⌋

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Aisaia 65:13

Ag nau amu hetteb amunu, Naɗi Yawe Nug inam atte. “Dahilad danab ah, ag am dahilad maɗi nid maɗi ah ele amu, ag ee lakkulag, amge ag nau hetteb ele, ag enug aqakku. Dahilad danab ah ag le oug lakkulag, amge ag nau hetteb ele, ag le baalag diikku. Dahilad danab ah ag oolag gamag ahakku, amge ag nau hetteb ele, ag uɗalag nekku.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Jeremaia 36:16

Nug ebqa male, ag nai amu oh doon, ag nug neekkidnana, baɗan, ag Baruk amegppa appig. “Ig king nai imu oh dookkunu ig akkunigoitte!” aon appig.

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Luk 13:17

Nug anam a amu nuhikkud kekeɗ ag uɗalag eheɗ neum, amge danab ah laa oh ag nuhignu enanagnab dooppig. Aɗinu? Nug keeke oh ena heum.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

2 Tesalonaika 1:12

Ib amuppa amu, ag Jesus Kristus, ihinig Naɗi, Nug onig binag amahlak ele mettana, ag nuhigppa ele binag amahlak ele aoglag. Amu oh am ihinig Kayak, amu Naɗi Jesus Kristus ele, ahilah ehanittak okkai hamu mettakppa aakku bette.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

1 Jon 3:13

O lailad, wan danab ag oolagppa ahilagnu nau ninig ele dootteb dayeb amu, ag amunu aib ottaippig.