Aisaia 66:13 - Nobonob Baibel

¹³ Ag Juda danab ah amu, geha nid anig nug nuhig nid bekkitta, dabmedatte bia, da Yawe, da anamnab aakku ag dabmadakkul. Da anam aakku dabmatte bekkadppippi, ag Juda danab ah, ag oo mak aoglag,” awa atte.

Aisaia 66:13 ပူးပေါင်းရင်းမြစ်များ

Sam 137:6

Da Jerusalemnu ii dabmekkul dayeb, da Jerusalemnu gamag ahak okkai, laa oh eɗittak, ii dookkul dayeb amu, da lemaɗul attan ta, bagagɗil aɗa, ɠagattag eppeb, da baula ahi edakkulnu, nai madikkulnu ele elele iitta dayei!

Sam 94:19

Haen da ool unuqagppa baɗak he, na oot meɗan hee, da maɗoɗppan gamag ahak doomi.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 40:1

Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 49:13

Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Aisaia 66:10

Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!

2 Korint 1:3

Ig Kayak binag humatu! Nug am Kayak ihinig, Naɗi Jesus Kristus Mameg. Nug am oo gai-iitta doya oo metta ehanittaknu kobol Mameg daatte. Ele amu Nug am oo mak mettaknu oo awaknu Kayak daatte.

2 Korint 1:4

Uug oh ihinigppa bette amu, Kayak Nug ig oo mak megakkunu ig oonig aotte. Anam amunu, ig danab uug digdig ele dootteb amu, ig ag oo mak aoglagnu ag oolag aognignu elele daattem.

1 Tesalonaika 2:7

Ao genab, ig am Kristusnu totol danab amunu, ig ahilagppa ehanittak keeke aognignu elele dayom, amge ig anam ii hemut. Iitta. Ig oonig bodoette wagai ii mak kobol dim lamidta, ag oolagppa uɗat hemut; nid anig nug bekkod atognoadtte bia ahilagppa uɗat hemut.