Aisaia 66:11 - Nobonob Baibel

¹¹ Nid yuɗ nug oo gamag ahakppa anignu huh latte, amubia Juda danab ah ag en kuɗum aoppeg, ag ele oh en kuɗum amunu elele dooglag. Ao, Juda danab ah ag en kuɗum awona, ag en naɗi okkai amuppanu ag enanagnab dooglag.

Aisaia 66:11 ပူးပေါင်းရင်းမြစ်များ

Sam 36:8

⌊O Yawe,⌋ danab laa nug laugppa ee kuɗum ele dayeye, danab ah ag hanhan wana, ag ee oh oolag heumnu latteb, na amubia danab ah atognoadttem. Danab laa nug le enanagnab ele dayeye, danab ah ag nuhigppa gona latteb, na amubia dabmattan hettem.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Aisaia 60:2

Aɗinu? Antteg! Gatatu wan atu laa oh tonom niitte. Ao, gatatu teppu ele danab ah oh tonattom niitte. Gatatu ag tonattom niitte, amge Yawe Nug ag Juda gumatta uɗiom daatte. Ao, nuhig binag amahlak oppiaawak ele am amahlak bia ahilagppa honaɗtte.

Aisaia 60:5

Ag amu anidna amu, ag oolag gamag eheɗ ahakku. Ao, ag gamag ahak naɗinab dooglag. Aɗinu? Wan laappan danab ag Yawe binag mekkulagnu yu qaɗeppa uɗina, en kuɗum aon uɗiglag. Ao, wan laappan danab ag Yawe binag mekkulagnu en okkai mawadna uɗiglag.

Aisaia 62:2

⌊O Jerusalem danab ah,⌋ anam beeb amu, wan laappan danab ah ag ahilag genab tutukku hak kobol anidkkulag. Yo, wan atu laa oh dilag king ag ag ahilag binag amahlak oppiaawak ele anidkkulag. Amu dimppa Yawe Nug ag onilag bau laa ataɗeb, danab ah ag ag onilag amu diiglag.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!