Aisaia 6:9 - Nobonob Baibel9 Da anam ai amu, Naɗi Nug da amelppa aum. “⌊Ena,⌋ na gona, danab ah dahilad imu amelagppa nai imu appe doyeg! ‘Ag nai daulagppa doon doon daaglag, amge nai meu am tutukku ii doomna. Ao, ag neegna neegna daaglag, amge ag diig tutukku ii anidmana.’ Na anam aon a!” awa aum. အခန်းကိုကြည့်ပါ။ |
Ag uuppig amunu, Yawe Nug nukka geha ag sul madakku. Nug danab nid naunau doyak aoglagnu keeke digdignu awa uɗia, sul madatte, Nug amubia haaha, “Ippa ɗo daatte, appa ɗo daatte. Ippa na oiyak nahip gume! Appa na oiyak nahip gume! Ippunittak iguppa aweg! Ippunittak aguppa aweg!” awa akku. ⌊Nug sul baubau anam maatta hekku, amge doyak awaknu ib uug iitta amuppa ele ag uun heppeg, kaaka aqeb, ii dim lamidkkulag⌋ amunu, Yawe Nug heeb ag eheɗ nau aoppeppeg, ahilkad kekeɗ ag eɗadna, wan laappa diia ukka laih me dayak danab ah daaglagnu diin gokkulag.
Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.
Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.