Aisaia 6:8 - Nobonob Baibel

⁸ Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

Aisaia 6:8 ပူးပေါင်းရင်းမြစ်များ

Genesis 1:26

Kayak Nug anam ha, ena anattowa, Nug aum. “Ig danab ag wan, amu wanppan keeke oh, doɗ dakkuɗ, aabppanu doɗ, doɗ laa ag oolag wan qeeqe oitteb, kakai, ai oh ele, ag keeke amu oh gumadkkulagnu, ig danab ig bia hetu! Ig daattem bia amu, ag amubia dayeg!” awa aum.

Genesis 11:7

Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.

Genesis 22:1

Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 3:22

“Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

2 Samuel 1:7

Ag anam hekkulagnu uɗin oiyegeg, Saul nug eɗua, da aniɗa, onilppa e, da wain, ‘Da aɗi hekkulnu oot daatte,’ awe oɗ mettami.

1 King 22:20

Ag anam daaegeg amu, Yawe Nug engel oɗ matta inam aum. ‘Aun nug geha Ahap oo eeɗeb, geha nug aab Ramot, Gileat wanppanu, banelag ukka, banppa mauhkku?’ awa oɗ matta aum. Nug anam a amu, engel laala anen anen ahilag dabmak Yawe amegppa madippig. Laa nug ana male, laa nug laa aum.

Aisaia 65:1

Yawe Nug atte. “Danab laa ag dahilnu oɗmak ii heppig amu, da ahilagppa miag atiak tule bemi. Ao, danab laa ag da aniɗkkulagnu uɗat ii heppig ele, ag am da aniɗppig. Amu wanppan wan laihnu danab ag da ii unuqilppig amu, da ag amelagppa, ‘Da iikku daattem, da iikku daattem,’ ami.

Esekiel 1:24

Amu haen engel okkai-kerubim waɗele amu ag ahan, laih goppig amu, ag haulag heeg, da oqotti naɗi doomi. Oqotti amuam le ui naɗi, oqotti amubia, o Laa Nukka Ɠagattag Oh Ele ette, amubia, o ban daup huanak ag ban henana, muttub huana qetteb, amubia. Ag ukkaegeg, oqotti anam doomi, amge ag toettak daappig, haen amuppa ag haulag qena, honap meppig.

Esekiel 10:5

Amu engel okkai-kerubim haulkad oqotti am oqotti okkai. Danab ag Israel danab dilag haɗap-ppa daappig, ag oqotti amu dooglagnu elele. Oqotti amuam Kayak Nukka Ɠagattag Oh Ele nai maditte, oqotti okkai amubia.

Esekiel 9:1

Amu dimppa ⌊da tuleglegppa⌋ Kayak Nug baag okkaippa ewa aum am da doomi. Nug aum. “Ag heppeg, aab okkai imunu uug bemanu neekkak danab, ag ahilag qep keeke eppelagppa aɗan, ippa uɗieg!” ewa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Aposel 26:19

Aria King Agripa, Kayak da aɗi hekkulnu tuleglegppa ippuniɗom amu, da Nug oɗe tappai ii neum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

1 Samuel 3:4

Nug anam niieye, Yawe nug Samuel onigppa eum. Yawe Nug anam e, Samuel nug, “Da iikku daattem!” anana,