Aisaia 6:5 - Nobonob Baibel

⁵ Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Aisaia 6:5 ပူးပေါင်းရင်းမြစ်များ

Genesis 32:31

Dimppa aam be, Jakop nug Penielnu aha, autaut ukkom. Aɗinu? Nug maɗog am guittak awom.

Sam 24:10

King Nug binag amahlak oppiaawak ele amu, Nug am aun? Nug am Yawe Nukka Ɠagattag Oh Ele. Yawe Nukka Ɠagattag Oh Ele Nug am King binag amahlak oppiaawak ele. Sila.

Eksodas 24:10

Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Eksodas 4:10

Yawe Nug Moses amegppa anam aum, amge Moses nug Yawe amegppa aum. “O Naɗi, nai mattiak dahil, amu laa ittag ii aqatte. Aɗinu? Da oɗel uugnab daatte. Da lemaɗul ele uug daatte. Da anukka anamib daami, gemu ele, na da amelppa nai iikku madittem, amge da daamibia, da anamib daattem ⌊amunu, da uɗat amu hekkulnu elele iitta⌋,” awa aum.

Eksodas 6:12

Yawe Nug anam aum amge, Moses nug Yawe nai aum amu eɗua nob ma inam aum. “Israel ag da nai attem amu, ag ii doon dab-ii-metteb. Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Eksodas 6:30

Yawe Nug Moses amegppa anam aum, amge Moses nug Yawe amegppa inam aum. “Antte! Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Aisaia 24:16

Danab ah aab umanab daatteb, wan ukka batakppa amu, ag gamag ahak doon, ahi edappeg doognig. Ahi ahilag am inam. “Ig Laa, Nug Genab Tutukku Hak Kobol Diig amu, ig Nug binag amahlak oppiaawak ele metu!” Ag anam ahi ettaglag. Ag anam ahi ettaglag, amge ⌊gemu amu, da uug bekkunu doottem amunu,⌋ da inam attem. “Dahilnu am gadonnab gadon. Da oolppa uug okkainab doyeye, da hamu iitta mekkulnu hettem. Ge! Da oolppa uug okkainab doyeye, da hamu iitta mekkulnu hettem. Da eheɗ hak danab, ag kobol nau henana, lailkad hambuppualatteg anadttem. Ge! Ag laa eheɗnab hambuppualadnana, eheɗnab hattegeg anadttem,” awe attem.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Aisaia 33:17

Amu na anam hekkut dayeb amu, na king ɠagattag okkai naɗi ele, na nug amenppanab anidkkut. Anidna na nuhig wan okkai okkai, tom uma ukkak ele anidkkut.

Aisaia 59:3

Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Jeremaia 1:6

Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Esekiel 12:2

“Danab bekka, na nai tappe nak danab ah oolagppa daattem. Danab ah amu ag amelag ele, amge ag keeke ii anidtteb. Ag daulag ele, amge ag nai ii dootteb, Aɗinu? Ag am nai tappe nak danab ah daatteb.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Daniel 9:20

Da, Daniel, da Kayak anam unuqitten, da dahil hipunin, dahilad danab ah, Israel, da ahilag hipunin ele Kayak amegppa miagib mattien ainne, da Yawe, Nug dahil Kayak, Nug heeb, nuhig qauko nuhignu tituanak daatte am eɗua ena daakkun unuqittitti,

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Namba 17:12

Israel danab ah ag ⌊Aronnu hokkat haɗag qa, mappata meu oum anidna, ag hipunin heppig dooppig amunu, ag baɗan,⌋ Moses amegppa appig. “Antteg! Ig geha mauhkkunig! Ig geha padal mekkunig! Genab, ig ohnab geha padal mekkunig!

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Ikki Danab 6:22

Haen Gideon nug aakku laa daya qettoɗom ele, amuam Yawenu engel doya amu, nug ewa aum. “O Naɗi Yawe, ⌊da nauhmi daattem. Aɗinu?⌋ da na, Yawe, da nahip engel amelppanab anidmi,” awa aum.