Aisaia 6:3 - Nobonob Baibel

³ Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Aisaia 6:3 ပူးပေါင်းရင်းမြစ်များ

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

Sam 57:11

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag binag amahlak oppiaawak ele nahip anidkkulagnu unuqidttem.

Sam 66:2

Nug am binag amahlak oppiaawak ele amunu, ag amunu ahi etteg! Yo, ag Nug binag okkainab metteg!

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Sam 8:2

Na he, nid naunau, amu nid yuɗ huhppanu ele ag na binan humaglagnu dootteb. Na amu heme, amunu diig am kekeɗ nahipad ag ib iitta ele daaglag. Ao, na amu heme, amunu diig am danab ag akka ag laa nau heppignu nob mattaglagnu hetteb ele amu, ag nai iitta, hamu daaglag.

Sam 90:16

Na heppe, ig nahip maɗi nid, ig kobol danab haknu elele iitta na hettem amu, ig amu anidkkunignu oɗ medattem. Na heppe, ig buɗunkad ag nahip hak enanagnab anidkkulagnu unuqidttem.

Sam 97:6

Hab daup ag genab tutukku hak kobol nuhig ippunikkeg, danab ah oh ag binag amahlak oppiaawak nuhig anidtteb.

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Aisaia 24:16

Danab ah aab umanab daatteb, wan ukka batakppa amu, ag gamag ahak doon, ahi edappeg doognig. Ahi ahilag am inam. “Ig Laa, Nug Genab Tutukku Hak Kobol Diig amu, ig Nug binag amahlak oppiaawak ele metu!” Ag anam ahi ettaglag. Ag anam ahi ettaglag, amge ⌊gemu amu, da uug bekkunu doottem amunu,⌋ da inam attem. “Dahilnu am gadonnab gadon. Da oolppa uug okkainab doyeye, da hamu iitta mekkulnu hettem. Ge! Da oolppa uug okkainab doyeye, da hamu iitta mekkulnu hettem. Da eheɗ hak danab, ag kobol nau henana, lailkad hambuppualatteg anadttem. Ge! Ag laa eheɗnab hambuppualadnana, eheɗnab hattegeg anadttem,” awe attem.

Aisaia 40:5

Ag anam heppeg, geha Yawenu binag amahlak oppiaawak ele am miag atia dayebeb, danab ah oh ele anidkkulag.” Yawe Nug anam mattiom daatte amunu, am anam bekku.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Esekiel 44:4

Yawe Nug da amelppa anam a, danab melemel meum amu, nug omaiɗa, aɗ Kayaknu mettid lag talilitta daatte laih yawalti uɗitteppanu, appan odppa wana omaiɗa, Kayaknu mettid lag noobppa ukkom. Nug omaiɗa ukke, da neekki ukke, Yawenu binag amahlak oppiaawak ele Nug laugppa ambe antten, da laippun gatel qaun oin, gomelen, iɗul wanppa memi.

Habakuk 2:14

Aɗinu? Le yuppa ambak daatte, amubia wan atu ohppan danab ah ag Yawenu binag amahlak oppiaawak ele anidna dooglag.

Sekaraia 14:9

Amu Yawe Nug wan atu oh dilag king daakku. Haen amuppa amu, Yawe Nugib danab ah oh dilag dabmakppa Kayak daakku. Danab ah oh ag Nug noobppa dup nona binag mekkulag.

Namba 14:21

Da uhuqe madattem, amge da genab bau daattem, binag amahlak oppiaawak ele dahil ele genab wanppa ambak daatte amu, genab amubia

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.