Aisaia 6:2 - Nobonob Baibel

² Nug anam dayeye, engel-serep ag hippaidna, Nug talilidna daappig. Am engel-serep oh anen anen ag haulag eblaih laippu ele. Am ag oh haulag aɗit laa amuppa iɗulag hautona, haulag aɗit laappa ag beɗulag hautona, haulag aɗit laa, amuppa ag hagagaɗtteb.

Aisaia 6:2 ပူးပေါင်းရင်းမြစ်များ

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

1 King 19:13

Baag bodoettak amu nai mattie, haen Elaiya nug doya amu, nug iɗu nuhig lamenppa hauta, nug dimittim ukka, men oɗe amu oɗeppa hibaitta dayom. Dayeye, baag laa nug inam nug amegppa aum. “Elaiya, na ippa aɗi hettem?” awa aum.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

1 King 6:27

Nug engel okkai-kerubim aɗit dottolah amu otaɗa malowa, nug Yawenu mettid lag Oo Gunnab Ele amuppa qappalate daapiɗ. Engel dottog laa amu daye, haug laih amu ukka, gilil laih naɗiap-ppa amu ye dayom. Aria, engel dottog laa amu laih nanehppanu qappe daye, haug laih ukke, gilil nanehppanu ye dayom. Aa haulah laih amu mateh, gilil laih laih aɗalateh, lag gamagppanab haug aɗit aa uɗieh, haug noob laa am haug noob laa ele nug yaapiɗ.

1 King 8:7

Kerubim aɗit aa haulah am Tituanak Nainu Kunup daakkun aben attan daaya, kunup amu, amu nuhig mawaknu tuqai aɗit ele tonatpiɗ.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 1:6

Amu deɗ laa engel ag Yawe ag aɗi aɗi hetteb ippunidkkulagnu Nug gumidna gona daaegeg, Satan nug ele appa ukke, oh daappig.

Job 15:15

Kayak Nug nuhikkud laa nuhignu tituanak daatteb ele dilagnu, ag eheɗ laa ii hemananu ooppa genab ii dootte dayeb; nuhig neekkakppa hab ele oppiak ii daatte dayeb amu,

Job 4:18

Kayak Nug nuhikkud maɗi nid, amuam nuhikkud engel amu, Nug ag amelagppa, “Ag eheɗ laa aib heppig,” atte, amge Nug ag genabnab genab amu hekkulagnu ooppa genab ii dootte dayeb, ge, Nug nuhikkud engel ag eheɗ hettebnu naippa yaaladtte dayeb amu,

Sam 103:20

Engel ag, ag Yawe humitteg! Ao, ag engel aun aɗi ag ɠagattag ele, ag Nug aɗi keeke hekkulagnu atte dooglagnu daulag human daan hetteb ele amu, ag Nug binag meig!

Sam 104:4

Nug he, ulah am nuhig nai awa ukkak danab daatteb. Ao, Nug he, amemɗi am nuhikkud maɗi nid daatteb.

Sam 18:10

Nug engel okkai-kerubim gomeppa dayeye, hagagɗa uɗiom. Ao, ai haugppa oitte, amubia ulah am Nug haug dayeye, huana uɗiom.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Eksodas 25:20

Kerubim aɗit dottolah amu, aa hippaidya, aa nug iɗu neekkidya daayya, aa haulah am otalpeɗ, Tituanak Nainu Kunup ameg daatte, amu nakok attan dayaɗ!

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 37:9

Kerubim aɗit dottolah amu, aa hippaidya, aa nug iɗu neekkidya daayya, aa haulah am otaleh, Tituanak Nainu Kunup ameg amu nakok attan daapiɗ.

Aisaia 6:6

Da anam ei, engel-serep oolagppan laa nug qaɗabppa aab eotte amu, nug aab aɗu amuppanu aab ottag laa ewewe hoqap-ppa aɗe, hoqap-ppa daye, nug amu aɗa, hagagɗa awa, da gumiɗa uɗiom.

Esekiel 1:11

Ag iɗulag anam daappig, amu ag haulagnu, ag anen anen haulag aɗit taiettak daaeheh, noolah am laikuɗ haulah aɗit noolah yaapiɗ. Aria, ag anen anen haulag aɗit laappa ag beɗulag tonappig.

Esekiel 1:24

Amu haen engel okkai-kerubim waɗele amu ag ahan, laih goppig amu, ag haulag heeg, da oqotti naɗi doomi. Oqotti amuam le ui naɗi, oqotti amubia, o Laa Nukka Ɠagattag Oh Ele ette, amubia, o ban daup huanak ag ban henana, muttub huana qetteb, amubia. Ag ukkaegeg, oqotti anam doomi, amge ag toettak daappig, haen amuppa ag haulag qena, honap meppig.

Esekiel 1:4

Amu tulegleg digmak amu, da neekki ukke, da yawalti uɗitteppanu uug megakkun ulah naɗi uɗieye anidmi. Ulah amu he, lombig naɗi okkai ele, lombig amu uɗieye, lombig amuppa amemɗi awewe, lombig amu talilittak amahlak naɗi okkai ele dayom. Amu lombig gamagppa aab ewak laa dayom. Aab gamagppanu neekkak am aen eheɗ gakkaɗak, le ma, amahaltte bia dayom.

Esekiel 1:6

amge engel okkai-kerubim amu ag anen anen iɗulag waɗele, haulag ele waɗele.

Esekiel 1:9

Ag oh iɗulag, haulag anam ele, amu engel okkai-kerubim waɗele amu oh ag daanna, ag anen anen lailkad haulag noob yaappig. Ag laih gokkulagnu goppig am, ag oh goppig. Ag gonana, laih adeppa adeppa gokkulagnu heppig, ag beɗulag ii itoɗin goppig. Iitta. Ag anen anen iɗulkad waɗele ele, amu iɗu atten neekkakka ukkaknu dayom amu, ag anam tutukku ukkakib goppig.

Esekiel 10:16

Haen engel okkai-kerubim ag laih gokkulagnu ahappig amu, wil ag ele gokkulagnu ahappig. Engel okkai-kerubim ag hagagaɗna, laih gokkulagnu haulkad human ukkaegeg, wil ag heqolagppa daanna, ii laih goppig. Iitta.

Esekiel 10:21

Ag anen anen oh ag am iɗulag waɗele, haulag ele waɗele. Ag haulag waappa amu keeke laa danab ebekuɗ bia ele.

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Daniel 9:21

haen amuppanab Gabriel, nug pahanab hagagaɗa, gumiɗa uɗiom. Nug da laa anukka tuleglegppa anidmi, nugib aakku. Nug mana mettak danab hanhan tueb meeme, doɗ laa manan, Kayak medatteb, nug tueb haen amuppa dahilppa uɗiom.

Sekaraia 3:4

amu engel nug laa ag nug noobppa appa ele hippaidna daappig amu, nug ag amelagppa aum. ‘Lamen dubuttid nau ele amu, ag uɗidna aweg!’ awa aum. Nug anam a, Yawe Nug Josua amegppa aum. ‘Antte! Da nahip hipunin uhuqen mettami; gemu da lamen bau enanag imu na medattem,’ ” awa aum.

Luk 1:10

Kalu danab ile muttuɗig enanag bette amotom, haen amuppa danab ah kuɗum ag dimittim qagmena, unuqidnana daappig.

Hibru 1:7

Kayak Nug engel dilag madikkunu ha, Nug inam aum. “Nug he, engel ag ulah bia daatteb. Ao, Nug he, nuhikkud maɗi nid ag amemɗi bia daatteb.”

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.

Revelesen 4:8

Hab daup waɗele Kayaknu bauklel aotteb ele, ag oh haulkad eblaih laippu ele, ag haulag qaɗeppa, waappa ele amelkad doɗo kuɗum ele. Ag tuqan amun ele Naɗi binag menana, inam atteb. “Naɗi Kayak Nukka Ɠagattag Oh Ele, Nug oppiaawak, Nug oppiaawak, Nug oppiaawak. Nug gemu daatte, anukka dayom, dimppa uɗikkunu ele daatte.” Amun, tuqan ele ag anam anana daatteb.

Revelesen 7:11

Amu engel oh ag sia king ⌊anuqak⌋, ikki danab, amu hab daup waɗele Kayaknu bauklel aotteb ele, ag amu oh taliliadna daaeg, ag oh sia king ⌊anuqak⌋ noobppa gatelag qaun ona, ag dup nona Kayak binag meppig.

Revelesen 8:13

Amu da ai igel laa hab waappa, aben gamagppa hagagaɗa ugekke anidmi. Nug baag okkaippa ewa aum. “Gadonnab gadon! Gadonnab gadon! Gadonnab gadon! Engel ewam trampet huana ii iwaladppig, geha huana iwaladkkulagnu daatteb amunu, danab ah wanppa daatteb, ag uug okkainab dooglag!” ewa aawo doomi.