Aisaia 6:12 - Nobonob Baibel

¹² Da Yawe, da geha danab ah imu oh lamadppi, ag atu uma gona daappeg, wan imu hamu, danab ah iitta bia dayebeb, na batakkut.

Aisaia 6:12 ပူးပေါင်းရင်းမြစ်များ

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

2 King 25:21

Ripla am Hamat wanppa dayom. Nebusaradan nug danab amu diia, Ripla ukke, King Nebukatnesar nug he, aqaeg mauhppig. Anam amu, Juda danab ah ag ahilag wan uun gona, Babilon appa diia ukka laih me dayak danab ah daappig.

Aisaia 13:12

Da heppi, geha danab ah kuɗum ag mauhkulag; am gol ena dubuttid iitta ele kuɗum wanppa ii daatte, amubia danab ah laippu laippu geha daaglag. Ao, da geha heppi, danab ah mauhkkulag; Opir appanu am gol enanag daatte, amge gol amubia wan laalappa ii daatte, Opir appa ele kuɗum ii daatte, amubia danab ah laib laibnab geha daaglag.

Aisaia 26:15

Yawe, na ihinig wannu tom am, na tuɗidna hee, wan ihinig okkainab daatte. Ao, na hee, ihinig wan am okkai eppom daatte. Na anam heme amunu, nahip binag amahlak oppiaawak ele am okkainab beum daatte.

Aisaia 5:9

Am Yawe Nukka Ɠagattag Oh Ele, Nug nuhig nai ɠagattag qetta, da amelppa inam aum. “Genabnab genab, gemu lag kuɗum daatteb, geha danab ag lag amuppa laa ii daamna; hele-ettak daaglag. Ao, gemu lag okkai okkai ena ena daatteb, amuppa danab ii daamna. Iitta!

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Jeremaia 15:4

Hesekaia bekka Manase, Juda dilag king, nug Jerusalem dayaya, nug kobol eheɗ nau kuɗum heum amunu, da heppi, wan laa ohppan danab ah ag Juda danab ah dilagnu oolagppa uuaknab dooglag.

Jeremaia 4:29

Kekeɗ ag uɗin, ban henana eppeg, danab ah aabppa daatteb ele ag oolkkulag. Laa ag atuppa gona, lokkumkkulagnu hekkulag. Laa ag gona, men okkai okkai daatteb, ag appa lokkumkkulagnu hekkulag. Anam dayeb, aab oh am hamu daaglag. Appa danab ah ii daamna.” Yawe Nug anam atte.

Jeremaia 52:27

Ripla am Hamat wanppa dayom. Nebusaradan nug danab amu diia, Ripla ukke, King Nebukatnesar nug he, aqaeg mauhppig. Anam amu, Juda danab ah ag ahilag wan uun gona, Babilon appa diia ukka laih me dayak danab ah daappig.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Sepanaia 1:3

Ah kinipan tate ukkak bia, da heppi, danab, am doɗ ele oh wanppa ii daamna. Ao, ah kinipan tate ukkak bia, ai hagagaɗna oitteb, kakai leppa oitteb, ag oh wanppa ii daamna. Haen da heppi, danab ah wanppa ii daamna amu, haen amuppa nau hak danab dilag keeke am kinipan ameg okkai hume tak aakkuib daaglag.” Yawe Nug anam atte.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.