Aisaia 59:3 - Nobonob Baibel

³ Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Aisaia 59:3 ပူးပေါင်းရင်းမြစ်များ

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 1:21

O gadon! Aab okkai Jerusalem am ah laa bia daatte. Ah amu nug gamu ele pehettak, elele oipiɗ, amge dimppa ah amu nug gamunu oo metta ii uuak kobol ii dim lamitta, gamu uuitta, ib baag ah ba oiyom. Amu Jerusalem amubia daatte. Nug anukka Kayak pehettak, elele dim lamittom, amge gemu nug amu ii hette. Anukka nai doya mala hettoɗia epeɗia elele mettak kobol nuhigppa ambak dayom; genab tutukku hak kobol nuhigppa ele ambak dayom, amge gemu qe mauhak danab, ag nuhigppa ambeppig daatteb.

Aisaia 28:15

Ag atteb. “Ig Mauhak ele nug tituanta nai qakkamut. Ao, ig mamak aben ele nai mattita, nug tituanta nai qakkamut amunu, uug nau okkainab laa ihinigppa bekkunu haaha, ii iqama. Iitta! Qe-eɗikka gokku,” atteb. Ag laa ele atteb am, “Ig heut, kayak hambuppuak ag ihinig padal mak eɗitteb ena dayaknu ehanittak daatteb. Ao, ig heut, kayak hambuppuak ag ihinig lokkuma dayaknu aben bia daatteb, ⌊amunu uug nau, okkainab amuam ihinigppa ii bema⌋,” aon atteb.

Aisaia 3:8

Anam bekkunu diig am, Juda danab ah oh, laa Jerusalemnu, laa Juda wanppa laih laihnu amu, ag ahilag hakppa, ahilag mattiak ohppa ele ag Yawe, Nug binag amahlak oppiaawak ele, ag Nug noobppa Nug waappa daaglagnu uuna, ag nuhig nai tappaeg nette amunu, Jerusalem danab ah, ag taataɗ qeppig. Ao, Juda danab ah, ag nena qeppig.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Aisaia 59:13

Hipunin ig hemut am, Ig Yawe waappa daagnignu uut, ig nuhig nai tappaut neum. Ig Nug dim lamidkkunignu amut, amge ig uut, ib laappa gomut. Ig ihinig Kayak dimettamut. Ig danab ah laa ele eheɗ hadata, uug kuɗum mattata, ig laa ag ele amu hekkulagnu eeɗadmut. Ig Kayak waappa daagnignu uut, ig laa ag ig gumigkkulagnu maattom ele amu, ig ag lamadtata, ig laa ag anam hekkulagnu eeɗadmut. Ig oonigppa hambuppuak nai dabmetat, ig amu oɗenigib mattimut.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Jeremaia 7:8

Amge antteg! Ag nai hambuppuak, nai meu iitta elenu oolagppa genab dootteb.

Jeremaia 9:2

O gadon, da tiig laippu dahilad ag Kayak noobppa gappai henana, ag Nug ippunattom bia Nug dim lamidkkulagnu uun oitteb amunu, da ag uuatten, ag ele oh ii daamtanu da atu taɗakppa aben laa ɗo danab daaglagnu lag laa daatte, da aben amu antten, ukke aguppa daakkulnu ool daatte.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.

Esekiel 13:8

Anam amunu, Naɗi Yawe, Nug inam atte. “Ag propet hambuppuak, ag nai hambuppuak maditteb, ag tulegleg hambuppuakppanu atteb amunu, da ahilag hak amunu eheɗ doyeye ool ii madattem.

Esekiel 22:2

“Danab bekka, na danab ah Jerusalem daatteb, na ag bu aoglagnu nai appe dooglagnu babaittak daattemte? Ge na danab ah amu ag danab aqaeg mauhtteb amu, na ag bu aoglagnu nai appe dooglagnu babaittak daattemte? Anam dayeb amu, na kobol digdig ag hetteb, da kobol amunu oolppa uuaknab doottem amu, na kobol amu ippunatte!

Esekiel 35:6

Amu Naɗi Yawe Nug inam atte. “Edom danab, ag anam heppig amunu, ag danab qe mauhak danab daatteb. Ag danab qe mauhaknu kobol ii uuppig amunu, da Yawe, da genab bau daattem, genab amubia laa ag ag aqappeg mauhkkulag. Ag amu qe-eɗidkkulagnu elele iitta.

Esekiel 7:23

Juda wan ohppa layag duug wak kobol am ambak daatte. Aab okkaippa amu, danab laa nug danab laa guittak nau mauhnoak medatte. Anam amunu, Israel danab ah eppelkad qakkaglagnu, ag sen bappalatteg!

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Hosea 4:2

Ag ahilag wanppa nai ɠagattag qetta mattiowa, nai amu ii dim lamittak kobol, hambuppuak kobol, laa qe mauhak kobol, yabhok kobol amu ewau pakkua gappai hak kobol ele ambak daatteb. Ag ɗo waappa iinab daatteb. Ag laa makkuɗona, haen elab iitta, laa ele makkuɗtteb.

Hosea 7:13

Israel dilagnu am gadonnab gadon. Aɗinu? Ag da uuiɗna oitteb! Israel ag nauhkkulag. Aɗinu? Ag tappe nak hena, da dim ii lamiɗtteb. Da ag qagaiettakppanu eɗua uhuqak hekkulnu hettem, amge ag hambuppun, dahilppa ehanittak aoglagnu ii hetteb.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

1 Timoti 4:2

Nai amuam hambuppuak danab ag kobol hambuppuak henana, nai hambuppuak amu yaaeg bette. Hambuppuak danab amu ag oolagppan oiyak ippunittaknu ulum am uɗat pehettak ii hette amunu, ag ahilag hipuninnu dab-ii-medatteb.