Aisaia 57:8 - Nobonob Baibel

⁸ Ag kayak hambuppuak ahilkad dilag at ag laulkad ooppa, od ukku ele ouqena dimugppa meppig. Aɗinu? Ag da uuiɗppig. Ag ah laa nug gamu uuitta ukka, danab laa ele oittep, ag amubia da uuiɗna, ag kayak hambuppuak ahilkad noolagppa dup nona binalag metteb. Ag ah laa, nug danab laala, gamud iitta, nug ag ele niiglagnu oo huana he, amu hekkunu babaitta auta autanab awa, danab digdig ele ag uɗin, nug ele niiglagnu nai qakka, danab amu beɗu miagib daya anadtte, amubia ag ahilkad kayak hambuppuak noobppa dup nona binag metteb.

Aisaia 57:8 ပူးပေါင်းရင်းမြစ်များ

Esekiel 16:15

Naɗi Yawe Nug anam awowa, Nug nai tuɗitta atte. “Da anam hei, na ah iɗun tuqaknab anam daame, amge na, ‘Da am ah iɗul tuqak ele,’ anana, na diig amunu uug laa ii anidmananu dabmena, na ele, ‘Da am ah okkai,’ anana, dabmak amuppanu na danab laala ele niiglagnu heehe, na ag ele anam heppig. Na aakku ib baag ah bena daame. Na danab aun laa nug oiyeye anidna hee, na nug ele niipiɗ. Na ah iɗun tuqak ele, na dahil daalom, amge na ah iɗun tuqak ele amunu, na anam hena, na laa dilag ah bia daame.

Esekiel 16:32

Ah nug danab uuitta danab laa ele oittep amu, na ah anamnab! Na gamut ele niiglahnu uun, danab laa, na ii doyadttem ele niiglagnu oot hette.

Esekiel 23:41

Na anam hena, na sia enanag amuppa appa daan he, laa ag balal laa na noomppa babaitteg, na appa kalu danab ile muttuɗig enanag bette dahil, dahil goɗen ele meme.