Aisaia 57:4 - Nobonob Baibel

⁴ Ag danab eheɗ hetteb ele, ag ⌊danab Kayak dim lamidtteb⌋ anadna, ag aon aon aqadtteb. Ag ⌊danab Kayak dim lamidtteb⌋ anadna, ag ahilagnu nai nau atteb. Ag danab eheɗ hetteb ele, ag ⌊danab Kayak dim lamidtteb⌋ anadna, ag kalemlem aqadtteb. Ag Yawe waappa daaglagnu uun, nuhig nai tappaeg nette. Ag hambuppuak danab buɗulkad.

Aisaia 57:4 ပူးပေါင်းရင်းမြစ်များ

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Sam 22:13

Am laion gaanna, oɗelag aahena, doɗ laa banelag gotteb, amubia kekeɗ dahil ag anam henana, da banel uɗitteb.

Sam 22:17

Da am danab ebehinab tak, nug nuhig ɠagattag iitta dootte, da amubia doottem. Dahilad kekeɗ ag amelag behabe, da neekkiɗnana, “Enanagnab anam daatte,” atteb.

Sam 22:7

Laa oh ag da aniɗna, ag da aon aon iutteb. Yo, ag da aon aon naunab niɗan, ikkilkad matuɗtteb.

Sam 35:21

Ao, ag naippa yaaiɗnana, “Antteg! Antteg! Ig amenigppanab na amu hee anidmut!” anan etteb!

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Eksodas 9:17

Anam daatte, amge na dahilad danab ah paɗadppe gomananu ɠagattag daanna, na ae ii gotteb.

Aisaia 1:4

O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 37:29

Ao, na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. O da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Aisaia 48:8

Anukkanu, gemu ele ag dahil nai dooglagnu uun, ag amunu dabmak ii aoppig. Ag daulag hanhan ituakib daatte. ⌊Da gemu keeke bau imunu madittem, anukka ag amelagppa ii ai dooppig amu, amunu diig am⌋ da doottem, ag paha da dimeɗan, laa binag mekkulagnu hetteb. Ag digmak haenppanu, gemu ele ag da waalppa daamnanu, dahil nai tabappeg nekkunu henan oitteb.

Aisaia 57:5

Ag eheɗ hetteb ele amu, ag ahilag kayak hambuppuak noolagppa dup nona binalag mekkulagnu, ag oo hak nau ahilag dim lamidna, ag kayak hambuppuak amu ad ok waalkadppa ag noolagppa dup nona binalag metteb. Ag amu heegeg, ag ib baag ah kayak hambuppuak amu noolagppa dup nona binalag metteb ele, ag ag ele kobol eheɗ hetteb. Ao, ag ad okkai eppelkad bahia ukkak ele oh waalkadppa ag anam hetteb. Ag ele nid ahilkad diin gona, oolnu noakppa, ag appa ahilkad nid manadna, ahilag kayak hambuppuak madatteb. Ao, ag nid ahilkad diin gona, men gukka waappa ag anam hetteb.

Jeremaia 20:8

Aɗinu? Haen da nai attem amu, da nai qale, danab ag laa guittak nau mauhnoak madatteb, amu danab ag laa dilag keeke heeg nauhtteb, da amu dilagnu ai, nai amu ag yaaladtte. Yawe na da nai akkulnu, na amu ippuniɗme amunu, nahipnu nai, nai amu he, danab ah ag hanhan awa awa qettak nai naunab dahilnu anana, da nai madittemnu ele ag dahilnu nau dootteb,” awa aum.

Esekiel 2:4

Israel danab ah ag hib guitta qak danab ah; dabmak ahilag ele ɠagattag eppom daatte. Ag anam daatteb, amge da na Israel danab ah dahilad nai madakkutnu meidttem. Da na ag amelagppa nai appe dooglagnu appi doon, na, ‘Naɗi Yawe Nug inam atte,’ ag amelagppa awona, tuɗidna, na keeke oh da na ippunidkkul ag amelagppa a!

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

Namba 16:11

Haen ag Aronnu naittuɗ metteb amu, ag naippa nugnab ii yaatteb. Iitta. Ag Yawe dimettan, nuhig nai tappaeg ne, Nug waappa ii daamnanu hetteb,” awa aum.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Matyu 27:29

Lamen aɗuitteg no, ag haɗ muɗi qaun eleppa hewona, igippa aɗaeg noum. Aɗaeg no, ag gumu laa, qaittobttob gumu bia, Nug eppeg naɗiap-ppa meppig. Mewona, ag nug noobppa gatelag qaun ona, aon aon qettanna appig. “Na am Juda dilag king! Na binan ele,” aon appig.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Kolosi 3:6

Danab ag kobol amu dim lamidnana, Kayak oɗe ii dim lamidtteb ele amu, diig amunu Kayaknu oppoɗi bak am ahilagppa nette.

Josua 10:21

Israel ag anam hewona, ag oh enaib daan, ag eɗun, ahilag haen tutu dayaknu aab kalappigppa, Makeda appa, Josua ele goppig. Goppig amu, auntai laa Israel dilagnu naittuɗ nakok laa iinab mattiom.

2 Pita 2:13

Ag am eheɗ heppig amunu, ag nob eheɗ aoglag. Amu ag amunppa miag atiakppa kobol nau ohnu mauhnoak hekkulagnu oolag ahak ele oitteb. Danab nau amu ag hobul, ag Kristen hetteb ele amu, hobul amuppa wana, oo gamag ahak nau ele ag oolagppa daatteb. Ag anam daanna amu, ag am gaɗanigppa ah lanak o gakanenig daatte, amubia daanna, ag oolagppa ee lanan daatteb.